ଯାଜପୁର ଧର୍ମଶାଳାରୁ ଯୁବତୀ ହୋଇଥିଲେ ଅପହରଣ କଟକରୁ ହେଲେ ଉଦ୍ଧାର, ଅଭିଯୁକ୍ତ ଗିରଫ

ଯାଜପୁର: ଯାଜପୁର ଧର୍ମଶାଳା ଥାନା ଅଞ୍ଚଳରୁ ଅପହୃତ ଯୁବତୀ ଉଦ୍ଧାର। କଟକରୁ ଯୁବତୀ ଜଣଙ୍କୁ ଉଦ୍ଧାର କରିବା ସହ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଆଜି ଏନେଇ ପୋଲିସ ଯୁବତୀଙ୍କ ବୟାନ ରେକର୍ଡ କରିବ । ଏଥିସହ ଅଭିଯୁକ୍ତଙ୍କୁ ପଚରାଉଚରା କରି ସମ୍ପୂର୍ଣ ତଥ୍ୟ ସାମ୍ନାକୁ ଆଣିବ । ସେପଟେ ଝିଅକୁ ମାନସିକ ନିର୍ଯାତନା ଦିଆଯାଇଥିବା ତାଙ୍କ ବାପା ଅଭିଯୋଗ କରିଛନ୍ତି ।

ତାଙ୍କୁ କଟକକୁ ବିବାହ ପାଇଁ ନିଆଯାଉଥିଲା । ଅଭିଯୁକ୍ତଙ୍କ ସହ ତାଙ୍କ ପରିବାର ଲୋକେ ମଧ୍ୟ ଏହି ଘଟଣାରେ ସାମିଲ ଥିବା ଅଭିଯୋଗ ହୋଇଛି । ଗତ ଡିସେମ୍ବର ୫ରେ ଯୁବତୀ ଜଣକ କଲେଜକୁ ମାଇଗ୍ରେସନ ସାର୍ଟିଫିକେଟ ନେବା ପାଇଁ ଯାଇଥିବା ବେଳେ ଅପହରଣ ହୋଇଥିଲେ।