ଅମାନିଆ ପୋଲିସ ବାବୁଙ୍କୁ ମହଙ୍ଗା ପଡିଲା କଟକଣା ଉଲଂଘନ, ନିଲମ୍ବନ ହେଲେ ବଡ଼ଚଣା ଆଇଆଇସି
ଯାଜପୁର: କଟକଣା ଭାଙ୍ଗି ଶ୍ରୀମନ୍ଦିରରେ ବଡ଼ଚଣା ଥାନା ଆଇଆଇସି ପ୍ରବେଶ କରିବା ଘଟଣାରେ କାର୍ଯ୍ୟାନୁଷ୍ଠାନ । ଯାଜପୁର ଜିଲ୍ଲା ବଡ଼ଚଣା ଥାନା ଆଇଆଇସି ନିଲମ୍ବିତ । ଆଇଆଇସି ଦୀପକ କୁମାର ଜେନାଙ୍କୁ ପୋଲିସ ଡିଜି ଅଭୟ ସସ୍ପେଣ୍ଡ କରିଛନ୍ତି । ଲକଡାଉନ୍ କଟକଣା ଭାଙ୍ଗି ଗତକାଲି ୩ ମହିଳାଙ୍କ ସହିତ ବଡ଼ଚଣା ଥାନା ଆଇଆଇସି ଦୀପକ ଜେନା ଶ୍ରୀମନ୍ଦିରରେ ପ୍ରବେଶ କରିଥିଲେ ।
ଦକ୍ଷିଣଦ୍ଵାରରେ ନିୟୋଜିତ ଜେଟିପି ବାରଣ ସତ୍ତ୍ଵେ ସେ ଶ୍ରୀମନ୍ଦିରରେ ଜୋର ଜବରଦସ୍ତ ପ୍ରବେଶ କରିଥିଲେ । ଶ୍ରୀମନ୍ଦିର ଭିତରେ ସେବାୟତ ଦେଖିବା ପରେ ଖବର ଚର୍ଚ୍ଚାକୁ ଆସିଥିଲା । ଏନେଇ ପୁରୀ ସିଂହଦ୍ଵାର ଥାନାରେ ମାମଲା ରୁଜୁ ହୋଇଥିଲା । ଆଜି ପୋଲିସ ଡିଜି ଅଭୟ ତାଙ୍କୁ ଚାକିରିରୁ ସସପେଣ୍ଡ କରିଛନ୍ତି ।
