୭୫ ବର୍ଷ ବୟସରେ ବି ସଫଳ ଚାଷୀ, କାହାଣୀ ଶୁଣିଲେ..

ନନ୍ଦିଘୋଷ ବ୍ୟୁରୋ: ଇଚ୍ଛା ଶକ୍ତି ଆଗରେ ହାର ମାନିଛି ବୟସ । ୭୫ ବର୍ଷ ବୟସରେ ସପୁରୀ ଚାଷ କରି ସ୍ଵାବଲମ୍ବୀ ଯାଜପୁର ଧର୍ମଶାଳା ବ୍ଲକ ନରସିଂହପୁର ଗାଁର ବସନ୍ତ ପରିଡ଼ା । ଭଳିକି ଭଳି ସପୁରୀ ଚାଷ କରି ନିଜେ ସ୍ଵାବଲମ୍ବୀ ହେବା ସହ ଅନ୍ଯ ମାନଙ୍କୁ ଦେଇଛନ୍ତି ରୋଜଗାର ।

ଯେଉଁ ଆଡେ ଦେଖିବେ ଖାଲି ସପୁରୀ ଆଉ ସପୁରୀ । କ୍ଷେତରେ ହୋଇଛି ଭଳିକି ଭଳି ସପୁରୀ । ଦେଖିବାକୁ ଯେତିକି ସୁନ୍ଦର ସେତିକି ସୁଆଦିଆ । ଆଉ ଏହି ସପୁରୀ ଚାଷ କରିଛନ୍ତି ଯାଜପୁର ଜିଲ୍ଲା ଧର୍ମଶାଳା ବ୍ଲକ ନରସିଂହପୁର ଗାଁର ବସନ୍ତ ପରିଡା । ଦୀର୍ଘ ବର୍ଷ ଧରି ସେ ୬ ଗୁଣ୍ଠ ଜମିରେ ସପୁରୀ ଚାଷ କରି ଆସୁଛନ୍ତି । କୁଇନ ଭେରାଇଟର ସପୁରୀ ଚାଷ କରୁଛନ୍ତି । ବର୍ତ୍ତମାନ ବସନ୍ତଙ୍କୁ ୭୫ ବର୍ଷ ହୋଇଥିଲେ ସୁଦ୍ଧା ସେ ଗଛରେ ପାଣି ଦେବାଠୁ ଆରମ୍ଭ କରି ଘାସ ସଫା କରିବା, ଗଛର ଯତ୍ନ ନେବା ଭଳି ସମସ୍ତ କାର୍ଯ୍ୟ କରୁଛନ୍ତି ।

ବସନ୍ତ ଉତ୍ପାଦିତ କରୁଥିବା ସପୁରୀ ସ୍ଥାନୀୟ ଜାରକା ବଜାର ଠୁ ଆରମ୍ଭ କରି ବିଭିନ୍ନ ସ୍ଥାନରେ ବିକ୍ରି କରାଯାଉଛି । ବସନ୍ତ ସପୁରୀ ଚାଷ କରି ନିଜେ ଲକ୍ଷାଧିକ ଟଙ୍କା ରୋଜଗାର କରିବା ସହିତ କିଛି ଲୋକଙ୍କୁ ରୋଜଗାର ଦେଇପାରିଛନ୍ତି ଏବଂ ଅନ୍ଯମାନଙ୍କ ପାଇଁ ପାଲଟିଛନ୍ତି ଉଦାହରଣ ।