ରିଲିଜ୍ ହେଲା ’ଜେଲର୍’, ଉତ୍ସାହରେ ଫ୍ୟାନ୍ସ, ରଜନୀକାନ୍ତଙ୍କ ପୋଷ୍ଟରରେ ଢାଳିଲେ କ୍ଷୀର
1 min read
ଚେନ୍ନାଇ: ସାଉଥରେ ପୁଣି ରଜନୀକାନ୍ତ କ୍ରେଜ । ଥଲାଇବାଙ୍କ ନୂଆ ଫିଲ୍ମକୁ ନେଇ ଫ୍ୟାନ୍ସ ଉତ୍ସାହ ଦେଖିବାକୁ ମିଳିଛି । ଆଜି ସାଉଥ ସୁପରଷ୍ଟାର ରଜନୀକାନ୍ତଙ୍କ ବହୁପ୍ରତୀକ୍ଷିତ ଫିଲ୍ମ ’ଜେଲର’ ରିଲିଜ ହୋଇଛି । ଫିଲ୍ମରେ ରଜନୀକାନ୍ତ ଜେଲର ଭୂମିକାରେ ନଜର ଆସିଛନ୍ତ । ପ୍ରି-ବୁକିଂରେ ଫିଲ୍ମ ୧୪କୋଟି ୧୮ ଲକ୍ଷ ରୋଜଗାର କରିଛି । ପ୍ରଥମ ଦିନରେ ଫିଲ୍ମ ୪୦ରୁ ୪୫ କୋଟି କଲେକ୍ସନ କରିବ ବୋଲି ମେକର୍ସ ଆଶା ରଖିଛନ୍ତି । ତାମିଲନାଡୁର ୯ଶହ ଥିଏଟର୍ସରେ ଜେଲର ରିଲିଜ ହୋଇଛି । ତାମିଲ ଭାଷାରେ ନିର୍ମିତ ଏହି ଫିଲ୍ମକୁ ହିନ୍ଦୀ ଓ ଅନ୍ୟ ଭାଷାରେ ଡବିଂ କରାଯାଇଛି । ଫ୍ୟାନ୍ସମାନେ ସହରରେ ଲାଗିଥିବା ରଜନୀକାନ୍ତଙ୍କ ପୋଷ୍ଟରରେ କ୍ଷୀର ଢାଳିବା ସହ ବାଜା ବଜାଇ ଖୁସି ମନାଇଛନ୍ତି ।
