ଜେଲରୁ ଇମରାନଙ୍କ ୬ ପ୍ରସ୍ତାବ : ଆର୍ମିଚିଫ୍ ସୟଦ ଆସିମ ମୁନୀର ଅହମ୍ମଦଙ୍କ ଉପରେ ଚାପ ପକାଇଲେ ଇମରାନ

ନନ୍ଦିଘୋଷ ବ୍ୟୁରୋ : ଜେଲରେ ଥାଇ ସୁଦ୍ଧା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମରାନ ଖାଁଙ୍କ ପଦକ୍ଷେପ । ପାକ୍ ସେନାମୁଖ୍ୟ ସୟଦ ଆସିମ ମୁନୀର ଅହମ୍ମଦ ଶାହଙ୍କ ଉପରେ ଚାପ ପକାଇଛନ୍ତି ଇମରାନ । ୨୦୨୩ରୁ ଜେଲରେ ଥିବା ପାକିସ୍ତାନ ତେହରିକ ଇ ଇନସାଫ ନେତା ଇମରାନ ବର୍ତ୍ତମାନ ରାଓଲପିଣ୍ଡିର ଆଦିଆଲା ଜେଲରେ ଅଛନ୍ତି । ତାଙ୍କ ବିବୃତିକୁ ଦଳର ନେତାମାନେ ପ୍ରସାରିତ କରୁଛନ୍ତି । ଆର୍ମିଚିଫଙ୍କ ନିକଟରେ ଇମରାନ ୬ଟି ପ୍ରସ୍ତାବ ରଖିଛନ୍ତି । ତୁରନ୍ତ ଆର୍ମିଚିଫ ଜେନେରାଲ ମୁନୀର ଇସ୍ତଫା ଦେବା, ୧୨ ମାସ ଭିତରେ ମୁକ୍ତ ଓ ଅବାଧ ନିର୍ବାଚନ କରିବା, ୨୦୨୪ ନିର୍ବାଚନ ଜାଲିଆତିର ତଦନ୍ତ ଜାତିସଂଘ କମିଟି ଜରିଆରେ କରିବା, ହତ୍ୟା, ଅପହରଣ, ନିର୍ଯାତନା ଆଦି ମାନବାଧିକାର ଉଲ୍ଲଂଘନରେ ସାମିଲ ଥିବା ଅଫିସରମାନଙ୍କ ବିରୋଧରେ ମାମଲା, ରାଜନୈିତିକ ଅସ୍ଥିରତାର ଶିକାର ନାଗରିକଙ୍କୁ ଉପଯୁକ୍ତ କ୍ଷତିପୂରଣ ଏବଂ ସାଲିସ କରୁଥିବା ବିଚାରପତିମାନଙ୍କୁ ବାହାର କରି ବିଚାରବିଭାଗୀୟ ଓ ସାମରିକ ସଂସ୍କାର ଆଣିବାକୁ କହିଛନ୍ତି ଇମରାନ ।