ଜେଲ୍ରେ ଫୁଡ୍ ପ୍ରୋସେସିଙ୍ଗ ୟୁନିଟ୍, ମିଳିବ ସୁଲଭ ଓ ସ୍ୱଚ୍ଛ ଖାଦ୍ୟ ସାମଗ୍ରୀ
ସମ୍ବଲପୁର: ସମ୍ବଲପୁର ମଣ୍ଡଳ କାରାଗାରରେ ଆଜିଠୁ ଆରମ୍ଭ ହେଲା ଫୁଡ ପ୍ରୋସେସିଙ୍ଗ ୟୁନିଟ୍ । ଏଣିକି ପ୍ରାୟ ସମସ୍ତ ପ୍ରକାରର ରାଶନ ସାମଗ୍ରୀ ସୁଲଭ ମୂଲ୍ୟରେ ପାଇପାରିବେ ସମ୍ବଲପୁର ସହରବାସୀ । ଜେଲରେ ହେବ ଫୁଡ ପ୍ରୋସେସିଂ ୟୁନିଟ୍ । କଏଦୀ ପସ୍ତୁତ କରିବେ ଖାଦ୍ୟ ସାମଗ୍ରୀ । ସୁଲଭମୁଲ୍ୟରେ ସୁଦ୍ଧ ଜିନିଷ ପାଇପାରିବେ ସହରବାସୀ ।
ଗୋଟିଏ ପଟେ ବଜାରରେ ବିକ୍ରି ହେଉଛି ବିଷ । ଲୋକଙ୍କୁ ବିପଦରେ ପକାଇ ଚାଲିଛି ଜୀବନ ଘାତକ ବ୍ୟବସାୟ । ଏଥିପାଇଁ ଚିନ୍ତାରେ ଖାଉଟି । ଏହି ଚିନ୍ତାକୁ ସାମନ୍ୟ କମ୍ କରିବା ପାଇଁ ସମ୍ବଲପୁର ମଣ୍ଡଳକାରଗାର କର୍ତ୍ତୃପକ୍ଷ ଆରମ୍ଭ କରିଛନ୍ତି ଭିନ୍ନ ପ୍ରୟାସ । କାରାଗାରରେ ପ୍ରତିଷ୍ଠା କରାଯାଇଛି ରାଶନ ଷ୍ଟୋର ବା ଫୁଡ୍ ପ୍ରୋସେସିଂ ୟୁନିଟ୍ । କଏଦୀଙ୍କ ଦ୍ୱାରା ପସ୍ତୁତ ସୁଦ୍ଧ ସାମଗ୍ରୀ, ଏହି ୟୁନିଟ୍ରେ ବିକ୍ରି କରାଯାଉଛି । ଏଠାରେ ଗହମଠୁ ଆରମ୍ଭ କରି ବେସନ ଚିନି ସୁଜି ହଳଦୀ ସମସ୍ତ ଜିନିଷ ସୁଲଭ ମୂଲ୍ୟରେ ପାଇପାରିବେ ସହରବାସୀ ।
ସମ୍ବଲପୁର ମଣ୍ଡଳ କାରାଗାରରେ ପୂର୍ବରୁ ଚାଦର, ବେଡସିଟ୍, କମ୍ବଳ ପସ୍ତୁତ କରୁଥିଲେ କଏଦୀ । ଏବେ ଖାଦ୍ୟ ସାମଗ୍ରୀ ତିଆରି ପାଇଁ ପ୍ରଶିକ୍ଷଣ ଦିଆଯିବା ସହ କଂଚାମାଲ ଯୋଗାଇ ଦିଆଯାଇଛି । ଏଭଳି ପ୍ରୟାଶ ଦ୍ୱାରା କଏଦି ସ୍ୱାବଲମ୍ବି ହେବା ସହ ମୂଖ୍ୟ ସ୍ରୋତକୁ ଫେରିପାରିବେ ବୋଲି କହିଛନ୍ତି ଜେଲର ।
