ନନ୍ଦିଘୋଷ ବ୍ୟୁରୋ: ଦୀପାବଳି ଅବସରରେ ବ୍ଲକବଷ୍ଟର ଫିଲ୍ମ ‘ଜୟ ହନୁମାନ’ର ପ୍ରଥମ ପୋଷ୍ଟର ସାମ୍ନାକୁ ଆସିଛି । ନିର୍ଦ୍ଦେଶକ ପ୍ରଶାନ୍ତ ବର୍ମା ଏହି ପୋଷ୍ଟରକୁ ସେୟାର କରି ପ୍ରଶଂସକଙ୍କ ମନରେ ଉତ୍ସାହ ବଢାଇଦେଇଛନ୍ତି । ପୋଷ୍ଟରକୁ ଦେଖିବା ପରେ କେବେ ସିନେମା ରିଲିଜ ହେବ ଏନେଇ ଚାତକ ଭଳି ଚାହିଁ ବସିଛନ୍ତି ପ୍ରଶଂସକ ।
ପୋଷ୍ଟରରେ କାନ୍ତାରା ଫିଲ୍ମର ହିରୋ ଋଷଭ ସେଟ୍ଟୀଙ୍କୁ ଦେଖିବାକୁ ମିଳିଛି । ଋଷଭ ସେଟ୍ଟୀ ହନୁମାନଙ୍କ ବେଶରେ ଥିବା ବେଳେ ମୁଣ୍ଡରେ ତିଲକ ଲଗାଇଛନ୍ତି ଏବଂ ହାତରେ ପ୍ରଭୁ ଶ୍ରୀରାମଙ୍କ ପ୍ରତିମୂର୍ତ୍ତିକୁ ଜାବୁଡି ଧରିଥିବାର ଦେଖିବାକୁ ମିଳିଛି । ସିନେମାଟି ପ୍ରସିଦ୍ଧ ପୌରାଣିକ ସୁପରହିରୋଙ୍କ ଜୀବନ ଉପରେ ଆଧାରିତ ଥିବାରୁ ଏହା ଦର୍ଶକଙ୍କୁ ଏକ ସୁନ୍ଦର ଅନୁଭୂତି ଦେବ । ନିର୍ଦ୍ଦେଶକ ପ୍ରଶାନ୍ତ ବର୍ମାଙ୍କ ଫିଲ୍ମ ‘ହନୁମାନ’ ବ୍ଲକବ୍ଲଷ୍ଟର ହୋଇଥିବା ବେଳେ ଏହାର ସ୍ବିକେଲ ମଧ୍ୟ ବ୍ଲକବଷ୍ଟର ହେବ ସନ୍ଦେହ ନାହିଁ ।
ନିର୍ଦ୍ଦେଶକ ପ୍ରଶାନ୍ତ ବର୍ମା ପୋଷ୍ଟରକୁ ସେୟାର କରିବା ସହିତ ପୋଷ୍ଟରେ ଲେଖିଛନ୍ତି “ବଚନଂ ଧର୍ମସ୍ୟ ରକ୍ଷଣଂ”। ଅର୍ଥାତ୍ ତ୍ରେତୟା ଯୁଗରେ କରାଯାଇଥିବା ଏକ ପବିତ୍ର ପ୍ରତିଜ୍ଞା କଳିଯୁଗରେ ରକ୍ଷା କରାଯିବ। ଯେବେଠୁ ପ୍ରଶାନ୍ତ ବର୍ମାଙ୍କ ଫିଲ୍ମ ‘ହନୁମାନ’ର ସ୍ବିକେଲ ‘ଜୟ ହନୁମାନ’ ଆସିବାର ଘୋଷଣା ହେଇଛି ସେବେଠୁ ସମସ୍ତଙ୍କ ନଜର ଫିଲ୍ମର ରିଲିଜ ଡେଟ ଉପରେ ରହିଛି ।
