ମୁମ୍ବାଇ: ବରିଷ୍ଠ ଅଭିନେତା ଜଗଦୀପ ଆଉ ଆମ ଗହଣରେ ନାହାଁନ୍ତି । ଜଗଦୀପଙ୍କ ବୁଧବାର ରାତିରେ ନିଜ ବାସଭବନରେ ନିଧନ ହୋଇଛି । ସେ ୮୧ବର୍ଷ ବୟସରେ ତାଙ୍କ ଶେଷ ନିଶ୍ୱାସ ତ୍ୟାଗ କରିଛନ୍ତି । ଜଗଦୀପ ତାଙ୍କ ଜୀବନରେ ଅନେକ ଅସୁବିଧାର ସମ୍ମୁଖୀନ ହୋଇଥିଲେ କିନ୍ତୁ କେବେ ହାର ମାନିନଥିଲେ, ସେ ତାଙ୍କ ଜୀବନ ଚଲାପଥରେ ଆଗକୁ ବଢିବାରେ ଲାଗିଲେ । ଏକ ସାକ୍ଷାତକାରରେ, ସେ ତାଙ୍କ ମାଆଙ୍କ ଦ୍ୱାରା କୁହାଯାଇଥିବା କବିତା ବିଷୟରେ ଉଲ୍ଲେଖ କରିଥିଲେ ଏବଂ କହିଥିଲେ ଯେ ସେହି କବିତା ତାଙ୍କୁ କେବେ ହରାଇବାକୁ ଦେଇ ନାହିଁ ।
ମାଆଙ୍କ କବିତା ସାହାରାରେ ଜୀବନରେ କେବେ ହାରି ନଥିଲେ ସେ
ଜଗଦୀପ କହିଥିଲେ – ମୁଁ ଜୀବନରୁ ବହୁତ କିଛି ଶିଖିଛି। ମୋ ମା ମୋତେ ବୁଝାଇ ଥିଲେ। ଥରେ ବମ୍ବେରେ ବହୁତ ଭୟଙ୍କର ଝଡ଼ ହୋଇଥିଲା । ସବୁକିଛି ଭାଙ୍ଗି ଚୁରମାର ହୋଇଯାଇଥିଲା । ଆମକୁ ଅନ୍ଧେରିରୁ ଯିବାର ଥିଲା । ଆମେ ସେହି ଝଡ଼ରେ ଚାଲି ଚାଲି ଯାଉଥିଲୁ । ଏକ ଟିଣ ପାତ୍ର ଖସି ମା’ଙ୍କ ଗୋଡରେ ବାଜିଥିଲା ଏବଂ ମାଆ ଆହତ ହୋଇଥିଲେ ।
‘ସେଠାରେ ମାଆଙ୍କ ଗୋଡରୁ ବହୁତ ଜୋରରେ ରକ୍ତ ବାହାରିଥିଲା । ଏହା ଦେଖି ମୁଁ କାନ୍ଦିବାକୁ ଲାଗିଲି । ତେଣୁ ମୋ ମା ସଙ୍ଗେ ସଙ୍ଗେ ତାଙ୍କର ଶାଢି ଚିରି ବାନ୍ଧି ଦେଇଥିଲେ । ସେପର୍ଯ୍ୟନ୍ତ ଝଡ଼ ତାର ଭୟଙ୍କର ରୂପ ଦେଖାଇ ଚାଲିଥିଲା । ସେତେବେଳେ ମୁଁ ମାଆଙ୍କୁ କହିଲି ଏଠାରେ ରହିଯିବା ଏଭଳି ପରିସ୍ଥିତିରେ ଆମେ ଆଗକୁ ଯିବା ନାହିଁ । ତେଣୁ ସେ ଏକ କବିତା ପଢିଥିଲେ । ସେ କହିଥିଲେ- ‘ ସେ ଲକ୍ଷସ୍ଥଳ କ’ଣ ଯାହା ସହଜରେ ମିଳିଯାଏ ଆଉ ସେ ରାସ୍ତା କ’ଣ ଯେଉଁଠି ଥକି ଯାଇ ବସି ପଡ଼ିବା ?’ ପୂରା ଜୀବନ ମୁଁ ଏହା ଭାବି ଆଗେଇ ଚାଲିଲି ଯେ, ନିଜର ପ୍ରତ୍ୟେକ ପଦକ୍ଷେପକୁ ଏକ ଗନ୍ତବ୍ୟସ୍ଥଳ ଭାବରେ ବିବେଚନା କରାଯିବା ଉଚିତ୍ । ଆଉ ଜଦି ତୁମେ ଏଭଳି ପରିସ୍ଥିତିରେ ଡେଇଁବା ପଡ଼ିବ ତେବେ ତୁମେ ପଡ଼ିବ ନିଶ୍ଚୟ । ଆପଣଙ୍କୁ କହିରଖୁଛୁ ଯେ, ଜଗଦୀପ ସବୁ ବେଳେ ଜଣେ ବରିଷ୍ଠ ହାସ୍ୟ ଅଭିନେତା ଭାବେ ବେସ୍ ପରିଚିତ । ସମୟ ଥିଲା ଯେତେବେଳେ ସେ ଲୋକପ୍ରିୟତାର ଶିଖରରେ ପହଞ୍ଚି ଥିଲେ ।
