ନବୀନ ପଟ୍ଟନାୟଙ୍କୁ ଭେଟିଲେ ବଡିବିଲ୍ଡର ଜଗନ୍ନାଥ ଖୁଣ୍ଟିଆ

ନନ୍ଦିଘୋଷ ବ୍ୟୁରୋ: ପଂଚଦଶ ବିଶ୍ବ ବଡିବିଲ୍ଡିଂ ଓ ଫିଜିକ୍ ଚାମ୍ପିଆନସିପରେ ବ୍ରୋଞ୍ଜ ପଦକ ହାସଲ କରିଥିବା ଓଡିଶା ଯୁବ ବଡି ବିଲଡର ଜଗନ୍ନାଥ ଖୁଣ୍ଟିଆଙ୍କୁ ବିରୋଧୀ ଦଳ ନେତା ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି । ୭୫ କିଲୋ ବର୍ଗରେ ଜଗନ୍ନାଥ ବ୍ରୋଞ୍ଜ ପଦକ ହାସଲ କରିଛନ୍ତି । ସେ ଏହି ଚାମ୍ପିଅନସିପରେ ଯିବା ପୂର୍ବରୁ ନବୀନ ପଟ୍ଟନାୟକଙ୍କ ଆଶୀର୍ବାଦ ନେଇଥିଲେ। ପଦକ ଜିତିବା ପରେ ସେ ନବୀନ ନିବାସ ଯାଇ ନବୀନଙ୍କୁ ଭେଟି ତାଙ୍କ ପଦକ ଦେଖାଇଥିଲେ। ନବୀନ ଜଗନ୍ନାଥଙ୍କ ଉଜ୍ବଳ ଭବିଷ୍ୟତ କାମନା କରିବା ସହ ଆଗାମୀ ଦିନରେ ଦେଶ ଓ ରାଜ୍ୟ ପାଇଁ ସୁନାମ ଆଣିବାକୁ ଶୁଭେଚ୍ଛା ଜଣାଇଛନ୍ତି। ବ୍ରୋଞ୍ଜ ପଦକ ଜିତିବା ପରେ ଜଗନ୍ନାଥ ଖୁଣ୍ଟିଆଙ୍କୁ ବିଜେଡି ସାଂସଦ ମାନସ ମଙ୍ଗରାଜ ମଧ୍ୟ ଶୁଭେଚ୍ଛା ଜଣାଇଛନ୍ତି।