ପରୀ ହତ୍ୟା ଘଟଣାରେ ବିଜେପି ରାଜନୀତି କରୁଥିବା ଯଦୁୁପୁର ଗ୍ରାମବାସୀଙ୍କ ଅଭିଯୋଗ
1 min read
ନୟାଗଡ଼: ପରୀ ହତ୍ୟା ଘଟଣାକୁ ବିଜେପି ରାଜନୀତିକ ରଙ୍ଗ ଦେଉଥିବାରୁ ଅସନ୍ତୋଷ ପ୍ରକାଶ କରିଛନ୍ତି ଯଦୁପର ଗାଁ ଲୋକ । ରାଉତରାପୁର ସରପଞ୍ଚ ସୌମ୍ୟ ରଞ୍ଜନ ପ୍ରଧାନ ବିଜେପି ସହ ମିଶି ମିଥ୍ୟା ଅଙ୍ଗ ତସ୍କରୀ ଓ ଗଞ୍ଜେଇ ବେପାରର ନାଁ ଦେଉଥିବା ସେମାନେ ଅଭିଯୋଗ କରିଛନ୍ତି । SIT ଦ୍ୱାରା ଜେରା ହୋଇଥିବା ବାବୁଲି ନାୟକ ତଦନ୍ତ ପ୍ରକ୍ରିୟାକୁ ସ୍ୱାଗତ କରିଛନ୍ତି । ତାଙ୍କ ସହ ରାଜନୈତିକ ଶତ୍ରୁତା ରଖି ସରପଞ୍ଚ ସୌମ୍ୟ, ବିଜେପିର ଇରାଣୀ ରାୟ, ସନ୍ତୋଷ ପ୍ରଧାନ ଓ ଲେଖାଶ୍ରୀ ସାମନ୍ତସିଂହର ମିଥ୍ୟା ଆରୋପ ଆଣୁଥିବା ବାବୁଲି କହିଛନ୍ତି ।
ସୌମ୍ୟ ବିରୋଧରେ ବୋମାମାଡ଼, ପୋଲିସକୁ ମାଡ଼ ମାରିବା ପରି ସଙ୍ଗୀନ ଅଭିଯୋଗ ରହିଛି । ଅଙ୍ଗ ତସ୍କରୀ ନେଇ ବିଜେପି ଥାନାରୁ ପ୍ରମାଣ ଆଣୁ ବୋଲି ଚ୍ୟାଲେଞ୍ଜ ଦେଇଛନ୍ତି ବାବୁଲି । ବାବୁଲିଙ୍କ ପତ୍ନୀ ଜିଲ୍ଲା ପରିଷଦ ସଭ୍ୟ ଥିବାରୁ ଜାଣିଶୁଣି ମନ୍ତ୍ରୀ ଅରୁଣ ସାହୁଙ୍କୁ ଟଣା ଯାଉଥିବା ସେ କହିଛନ୍ତି । ଏହି ଘଟଣାରେ ଅରୁଣ ସାହୁଙ୍କ ଲିଙ୍କକୁ ସେ ଖଣ୍ଡନ କରିଛନ୍ତି । ପରୀର ବାପାଙ୍କୁ ବିଜେପି ଲୋକ ଟଙ୍କା ଦେଇ ମିଛ କୁହାଉଥିବା ବାବୁଲି ଅଭିଯୋଗ କରିଛନ୍ତି ।
