ଅର୍ଥ ହେରଫେର ମାମଲାରେ ଆଜି ପୁଣି ଦିଲ୍ଲୀ ପୋଲିସରେ ହାଜର ହେବେ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍

ନୂଆଦିଲ୍ଲୀ: ୨୦୦ କୋଟି ଅର୍ଥ ହେରଫେର ମାମଲାରେ ଆଜି ପୁଣି ଦିଲ୍ଲୀ ପୋଲିସରେ ହାଜର ହେବେ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ । ଠକ ସୁକେଶ ଚନ୍ଦ୍ର ଶେଖର ଦେଇଥିବା ଗିଫ୍ଟ ଏବଂ ଅର୍ଥ ସହାୟତା ଉପରେ ଜେରା କରାଯିବ । ସୁକେଶଙ୍କୁ ବିବାହ କରିବାକୁ ଚାହୁଁଥିଲେ ଜ୍ୟାକଲିନ୍ ପର୍ଣ୍ଣାଡିସ୍ । ତାକୁ ନେଇ ମଧ୍ୟ ପଚରାଉଚରା ହେବ ।

ଠକକୁ ପ୍ରେମ କରି ମନର ରାଜକୁମାର ଭାବୁଥିଲେ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ । ଅର୍ଥ ହେରଫେର ମାମଲାରେ ଗିରଫ ହୋଇଥିବା ସୁକେଶ ଚନ୍ଦ୍ରଶେଖର ଓ ବଲିଉଡ ଅଭିନେତ୍ରୀ ଜ୍ୟାକଲିନ୍ନଙ୍କୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଜ୍ୟାକଲିନ୍ ସୁକେଶକୁ ବିବାହ କରିବାକୁ ଚାହୁଁଥିଲେ । ସୁକେଶଙ୍କ ଅପରାଧ ବିଷୟରେ ଜାଣି ସୁଦ୍ଧା ସେ ତାଙ୍କୁ ବିବାହ କରିବାକୁ ଚାହୁଁଥିଲେ ।

ହେଲେ ନୋରା ଫତେହିଙ୍କ ସହ ସୁକେଶଙ୍କ ସମ୍ପର୍କ ରହିଥିବା ସନ୍ଦେହ ପରେ ଆଉ ସମ୍ପର୍କ ରଖିନଥିଲେ ଜ୍ୟାକଲିନ୍ ।  ଅର୍ଥନୈତିକ ଅପରାଧ ଶାଖାର ସ୍ୱତନ୍ତ୍ର ପୋଲିସର କହିବାନୁଯାୟୀ, ଜ୍ୟାକଲିନ୍ ସୁକେଶଙ୍କ ଅପରାଧ ବିଷୟରେ ଜାଣିବା ପରେ ବି ସମ୍ପର୍କ ଭାଙ୍ଗିନଥିଲେ । ନୋରାଙ୍କୁ ସନ୍ଦେହ ହେବା ମାତ୍ରେ ସେ ସୁକେଶଙ୍କ ଠାରୁ ଦୂରେଇଯାଇଥିଲେ ।