ମନି ଲାଣ୍ଡରିଂ ମାମଲା: ପଦାକୁ ଆସିଲା ଜ୍ୟାକଲିନ-ସୁକେଶଙ୍କ ଅନ୍ତରଙ୍ଗ ସମୟର ଫଟୋ

1 min read

ମୁମ୍ବାଇ: ମନି ଲାଣ୍ଡରିଂ ମାମଲାରେ ପଦାକୁ ଆସିଲା ଜ୍ୟାକଲିନ ଫର୍ଣ୍ଣାଡିସ୍ ନାଁ । ମହାଠକ ସୁକେଶ ଚନ୍ଦ୍ରଶେଖର ଏବଂ ଜ୍ୟାକଲିନଙ୍କ ମଧ୍ୟରେ ଘନିଷ୍ଠତା ପ୍ରମାଣ ପାଇଛି ଇଡି । ଯାହା ମାମଲାରେ ଇଡି ପାଇଁ ବହୁତ ଗୁରୁତ୍ବପୂର୍ଣ୍ଣ ବୋଲି କୁହାଯାଉଛି । ଜ୍ୟାକଲିନ ଏବଂ ସୁକେଶଙ୍କ ଏମିତି ଏକ ଫଟୋ ଇଡି ହାତରେ ଲାଗିଛି, ଯେଉଁଥିରେ ଉଭୟ ଅତି ନିକଟତର ଥିବା ଦେଖାଯାଉଛି । ଫଟୋରୁ ଜଣାପଡୁଛି ସୁକେଶ କେମିତି ଜ୍ୟାକଲିନଙ୍କୁ ଫସାଇ ତାଙ୍କ ସହ ବନ୍ଧୁତ୍ବ କରିଥିଲେ ।

ସୁକେଶ ତିହାଡ଼ ଜେଲରୁ ଜାମିନରେ ଆସିଥିବା ବେଳେ ଏହି ଫଟୋ ଉଠା ଯାଇଥିବା ଜଣାପଡ଼ିଛି । ଜେଲରୁ ଜାମିନରେ ଆସିବା ପରେ ସୁକେଶ ଫ୍ଲାଇଟରେ ଚେନ୍ନାଇ ଯାଇଥିଲା । ସେଠାରେ ଏକ ଫାଇବ ଷ୍ଟାର ହୋଟେଲରେ ଜ୍ୟାକଲିନଙ୍କ ସହ ଦେଖା କରିଥିଲା ଓ ତାଙ୍କ ସହ ଫଟୋ ଉଠାଇଥିଲା ।

ଫଟୋରେ ସୁକେଶ ହାତରେ ଏକ ୧୨ ପ୍ରୋ ଆଇ ଫୋନ୍ ଧରିଥିବା ଦେଖିବାକୁ ମିଳୁଛି । ଏହି ଫୋନରେ ଇସ୍ରାଏଲର ସିମ୍ ପକାଇ ସୁକେଶ ୨୦୦ କୋଟି ଟଙ୍କାର ବଟି ଆଦାୟ କରିଥିଲା । ଆଶ୍ଚର୍ଯ୍ୟର କଥା ହେଲା ଜେଲରୁ ଜାମିନରେ ଆସିଥିବା ସମୟରେ ମଧ୍ୟ ସୁକେଶ ଏହି ଫୋନ୍ ବ୍ୟବହାର କରିଥିଲା ।

ସୂଚନାଯୋଗ୍ୟ, ସୁକେଶ ଛଳନା କରି ଜ୍ୟାକଲିନଙ୍କ ସହ ବନ୍ଧୁତ୍ବ କରିଥିଲା । ନିଜକୁ ଜଣେ ବଡ ବ୍ୟବସାୟୀ କହି ଜ୍ୟାକଲିନଙ୍କ ଭରସା ଜିତିବାକୁ ସକ୍ଷମ ହୋଇଥିଲା । ଏହି କାରଣରୁ ଇଡି ଜ୍ୟାକଲିନଙ୍କୁ ସମନ କରିବା ସହ ପଚରାଉଚରା ପାଇଁ ଆସିବା ବେଳେ ବ୍ୟାଙ୍କ ଓ କ୍ରେଡିଟ କାର୍ଡରେ କରିଥିବା ସମସ୍ତ ନେଣଦେଣ ବିବରଣୀ ସାଙ୍ଗରେ ଆଣିବାକୁ କହିଥିଲା ।

ଡିସେମ୍ବର ପ୍ରଥମ ସପ୍ତାହରେ ଇଡି ମନି ଲାଣ୍ଡରିଂ ମାମଲାରେ ଦିଲ୍ଲୀ ପୋର୍ଟରେ ଚାର୍ଜସିଟ୍ ଦାଖଲ କରିବାକୁ ଯାଉଛି । ଏଥିରେ ସୁକେଶ ଓ ଜ୍ୟାକଲିନଙ୍କ ଭୂମିକାକୁ ମଧ୍ୟ ଉଲ୍ଲେଖ କରାଯାଇଛି ।

ସୂଚନାଯୋଗ୍ୟ, ଗତ ଏପ୍ରିଲରୁ ଜୁନ ମଧ୍ୟରେ ସୁକେଶ, ଜ୍ୟାକଲିନଙ୍କୁ ଚେନ୍ନାଇ ଯାଇ ୪ ଥର ଭେଟିଥିଲା । ଏଥିପାଇଁ ସୁକେଶ ଜ୍ୟାକଲିନଙ୍କ ପାଇଁ ପ୍ରାଇଭେଟ୍ ଜେଟର ବି ବ୍ୟବସ୍ଥା କରିଥିଲା ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published. Required fields are marked *