ଟିକସଦାତାଙ୍କ ପାଇଁ ଖୁସୀ ଖବର, ଆୟକର ଟିକସ ପୈଠ ସମୟସୀମା ବଢିଲା
1 min read
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ପକ୍ଷରୁ ଟିକସଦାତାଙ୍କ ପାଇଁ ଏକ ବଡ଼ ଘୋଷଣା । ଆୟକର ଟିକସ ପୈଠ ପାଇଁ ଘୁଞ୍ଚିଲା ସମୟ ସୀମା । ଆୟକର ଟିକସ ପୈଠ ପାଇଁ ଆହୁରି ଗୋଟିଏ ମାସ ଅଧିକ ସମମ ଦିଆଯାଇଛି । ଯେଉଁମାନେ ୨୦୧୯-୨୦ ଆର୍ଥିକ ବର୍ଷର ଆୟକର ଟିକସ ପୈଠ କରିନାହାନ୍ତି, ସେମାନେ ଆଗାମୀ ୩୧ ଡିସେମ୍ବର ୨୦୨୦ ସୁଦ୍ଧା, ପୈଠ କରିବା ପାଇଁ କୁହଯାଇଛି । ପୂର୍ବରୁ ଟିକସ ପୈଠର ଶେଷ ତାରିଖ ନଭେମ୍ବର ୩୦ ରହିଥିଲା ।
In view of constraints being faced by taxpayers due to COVID-19,CBDT further extends due dates for various compliances for FY 2019-20:
The due dt of furnishing Income Tax Returns(ITRs)for taxpayers whose accounts require to be audited has been extended to 31st, January,2021 (1/5) pic.twitter.com/cWWbXu80K9— Income Tax India (@IncomeTaxIndia) October 24, 2020
ତେବେ ଏନେଇ ସିବିଡିଟି ପକ୍ଷରୁ ସୂଚନା ଦିଆଯାଇଛି । ସିବିଡିଟିର ଜଣେ ଅଧିକାରୀ ଏନେଇ କହିଛନ୍ତି ଯେ, ଆୟକର ଟିକସଦାତାଙ୍କୁ ଆଉ ଗୋଟିଏ ମାସ ଅଧିକ ସମୟ ଦିଆଯାଇଛି । ଯାହା ଦ୍ୱାରା ସେମାନେ ସୁରୁଖୁରୁରେ ନିଜର ଆୟକର ଟିକସ ପୈଠ କରିପାରିବେ ।
ଏମାନଙ୍କ ପାଇଁ ଜାନୁଆରୀ ୨୦୨୧ ପର୍ଯ୍ୟନ୍ତ ସମୟ
ଯେଉଁ ଟିକସଦାତାଙ୍କ ଆକାଉଣ୍ଟ ଅଡିଟ୍ ହେବାର ଅଛି ସେମାନଙ୍କ ପାଇଁ ଆୟକର ଦେବାର ସମୟ ସୀମା ଦୁଇ ମାସ ପର୍ଯ୍ୟନ୍ତ ବୃଦ୍ଧି କରି ଦିଆଯାଇଛି । ସେମାନେ ୩୧ ଡିସେମ୍ବର ୨୦୨୦ ନୁହେଁ ବରଂ ୩୧ ଜାନୁଆରୀ ୨୦୨୧ ଭିତରେ ଟିକସ ପୈଠ କରିପାରିବେ ବୋଲି ନିଷ୍ପତ୍ତି ହୋଇଛି । ଏହା ପୂର୍ବରୁ, ସରକାର ୨୦୧୯-୨୦ ଆର୍ଥିକ ବର୍ଷ ପାଇଁ ଆୟକର ଟିକସ ଦାଖଲ କରିବାର ଶେଷ ତାରିଖକୁ ୩୧ ଜୁଲାଇ ୨୦୨୦ ରୁ ୩୦ ନଭେମ୍ବର ୨୦୨୦ ପର୍ଯ୍ୟନ୍ତ ବୃଦ୍ଧି କରିଥିଲେ ।
The due date for furnishing of ITRs for the taxpayers who are required to furnish report in respect of international/specified domestic transactions has been extended to 31st January, 2021 (2/5)
— Income Tax India (@IncomeTaxIndia) October 24, 2020
