ଅର୍ଥନୈତିକ ସଙ୍କଟକୁ ନେଇ ଇସ୍ତଫା ଦେଲେ ଇଟାଲୀ ପ୍ରଧାନମନ୍ତ୍ରୀ ମାରିଓ ଦ୍ରାଘି

ରୋମ୍: ଇଟାଲୀ ପ୍ରଧାନମନ୍ତ୍ରୀ ମାରିଓ ଦ୍ରାଘି ଦେଲେ ଇସ୍ତଫା । ଦେଶରେ ଅର୍ଥନୈତିକ ସଂକଟକୁ ନେଇ ସହଯୋଗୀ ଦଳ ଫାଇଭ ଷ୍ଟାର ଦଳର ସମର୍ଥନ ପ୍ରତ୍ୟାହାର ପରେ ଇସ୍ତଫା ଦେଇଛନ୍ତି ଦ୍ରାଘି । ଇସ୍ତଫା ପତ୍ରକୁ ରାଷ୍ଟ୍ରପତିଙ୍କୁ ସେ ଦେଇଛନ୍ତି । କିଛି ଦିନ ଧରି ଅର୍ଥନୈତିକ ପ୍ୟାକେଜକୁ ନେଇ ବିବାଦ ଚାଲିବା ପରେ ସେ  ଇସ୍ତଫା ଦେଇଛନ୍ତି । ଗତବର୍ଷ ଫେବ୍ରୁଆରୀରୁ ମାରିଓ ଦ୍ରାଘି ଥିଲେ ଇଟାଲିର ପ୍ରଧାନମନ୍ତ୍ରୀ । ଏକ ବାର୍ତ୍ତାରେ ସେ କହିଛନ୍ତି ଦେଶରେ ଏକ ମିଳିତ ସରକାର ଲାଗି ସେ ସମସ୍ତ ଚେଷ୍ଟା କରିଥିଲେ ବି ତାହା ବିଫଳ ହୋଇଛି । ଦେଶବାସୀ ଓ ବ୍ୟବସାୟୀଙ୍କ ଲାଗି ୨୩ ବିଲିୟନ ୟୁରୋର ପ୍ୟାକେଜକୁ ନେଇ ଅସନ୍ତୁଷ୍ଟ ଥିଲେ ଫାଇଭ୍ ଷ୍ଟାର ଦଳ ନେତା ଗୁଏସେପେ କୋଣ୍ଟେ । ଲୋକଙ୍କ ଜୀବନର ମାନବୃଦ୍ଧି ଲାଗି ସରକାର ଅକ୍ଷମ ବୋଲି ଦର୍ଶାଇଥିଲେ କୋଣ୍ଟେ ।