ଯନ୍ତ୍ରଣାରେ ଛଟପଟ ହେଉଥିଲା ବୁଲା କୁକୁର, ଚିକିତ୍ସା କରାଇଲେ IT ସଚିବ
1 min read
ଭୁବନେଶ୍ୱର: ରାଜ୍ୟ ଆଇଟି ସଚିବ ମନୋଜ ମିଶ୍ରଙ୍କ ମହାନତା । ବୁଝିଲେ କୁକୁରର ଯନ୍ତ୍ରଣା, କରାଇଲେ ଚିକିତ୍ସା ବ୍ୟବସ୍ଥା । ଗତକାଲିଠାରୁ ଏକ ବୁଲା କୁକୁର ଗୋଡ଼ ଭାଙ୍ଗି ଯାଇଥିବା ବେଳେ କୁକୁରଟି ଉତ୍କଳ ବିଶ୍ଵବିଦ୍ୟାଳୟର ଫକୀର ମୋହନ ଛାତ୍ରାବାସ ନିକଟରେ ପଡ଼ିରହିଥିଲା । ଛାତ୍ରମାନେ ଖାଇବାକୁ ଦେଲେ ବି ନଖାଇ ଆଖିରୁ ଲୁହ ଗଡାଉଥିଲା ।
ପରେ ଦେବବ୍ରତ ସାହୁ ନାମକ ଛାତ୍ର ଟୁଇଟ ଯୋଗେ ଏକଥା ଜଣାଇଥିଲେ । ଏ ଟୁଇଟ ଆଇଟି ସଚିବ ମନୋଜ ମିଶ୍ରଙ୍କ ନଜରରେ ପଡ଼ିଥିଲା । ସେ ତୁରନ୍ତ ବିଭାଗୀୟ ଟିମକୁ ପଠାଇ କୁକୁରକୁ ଉଦ୍ଧାର କରି ଚିକିତ୍ସା ବ୍ୟବସ୍ଥା କରିଥିଲେ । ଏଥିପାଇଁ ମନୋଜ ମିଶ୍ରଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଉଛି ।
Very prompt and professional response by Secy @farddept Sri Suresh Vashishth sir. Thank you.
— Manoj Mishra ମନୋଜ ମିଶ୍ର (@manojmishrasays) March 13, 2023
