ଦେଶର ସବୁଠାରୁ ବଡ଼ ଠକେଇର ରିଙ୍ଗ ମାଷ୍ଟର ଆଇଟି ଇଂଜିନିୟର
ଭୁବନେଶ୍ବର: ଭାରତର ସବୁଠାରୁ ବଡ଼ ଠକେଇ ମାମଲାର ମାଷ୍ଟର ହେଉଛନ୍ତି ଜଣେ ଆଇଟି ଇଂଜିନିୟର ନାଁ ଅର୍ପିତ ପଞ୍ଚଲ । ମଧ୍ୟପ୍ରଦେଶରୁ ଗିରଫ ପରେ ଟ୍ରାଞ୍ଜିଟ୍ ରିମାଣ୍ଡରେ ଆଣିଛି ଇଓଡବ୍ଲୁ ।
ଅର୍ପିତ ବିଭିନ୍ନ ରାଜ୍ୟରେ ଏଜେଣ୍ଟଙ୍କ ଜରିଆରେ ଠକେଇର ଜାଲ ବିଛାଇ ୫୦ ହଜାରରୁ ଅଧିକ ବେକାର ଯୁବତୀଯୁବତୀଙ୍କଠାରୁ ଲୁଟିଥିଲେ କୋଟି କୋଟି ଟଙ୍କା ।
ଅର୍ପିତ ଉତ୍ତରପ୍ରଦେଶର ଆଲିଗଡ଼ ଅଞ୍ଚଳରେ ଇଞ୍ଜିନିୟରିଂରେ ମାଷ୍ଟର ଓ୍ବେବସାଇଟ ଡେଭଲପର ଏକ୍ସପର୍ଟଙ୍କ ଜରିଆରେ ଫେକ୍ ଓ୍ବେବ ସାଇଟ୍ ତିଆରି କିଥିଲେ । ଅର୍ପିତ ୱେବ ସାଇଟ ଡିଜାଇନ କରିବା ସହ ଏକ ପ୍ରାଇଭେଟ ଏଜେନ୍ସୀରେ କାମ କରୁଥିଲା ଓ ୪ଟି ୱେବ ସାଇଟ ଖୋଲି କମ୍ପ୍ୟୁଟରରୁ ଠକେଇକୁ ଅପରେଟ କରୁଥିଲା ।
ପୂର୍ବରୁ ଗିରଫ ହୋଇଥିବା ଜାଫର ଅହମ୍ମଦ ସରକାରୀ ୱେବ ସାଇଟ ଭଳି ଦେଖା ଯାଉଥିବା ୯ଟି ୱେବ ସାଇଟ ଖୋଲି ଲୋକଙ୍କୁ ଚାକିରି ଦେବା ନାଁରେ ଲୁଟିଥିଲା । ଓଡିଶାରୁ ୧୨ ହଜାର ଲୋକଙ୍କୁ ଚାକିରି ଦେବା ନାଁରେ ୩ରୁ ୫୦ ହଜାର ଟଙ୍କା ପର୍ଯ୍ୟନ୍ତ ଠକି ନେଇଥିବା ଇଓଡବ୍ଲୁ ତଦନ୍ତରୁ ଜାଣିବାକୁ ପାଇଥିଲା ।
