ଶଶିକଳାଙ୍କ ୧୧ଟି ସମ୍ପତ୍ତିକୁ ଜବତ କଲା ଆୟକର ବିଭାଗ

ଚେନ୍ନାଇ: ବହିଷ୍କୃତ ଏଆଇଏଡିଏମକେ ନେତ୍ରୀ ଭି.କେ. ଶଶିକଳାଙ୍କ ୧୧ଟି ସମ୍ପତ୍ତିକୁ ଜବତ କଲା ଆୟକର ବିଭାଗ। ତାମିଲନାଡୁର ପାୟନୁର ଗ୍ରାମରେ ଥିବା ୨୪ ଏକର ଜମିକୁ ୧୯୯୧ରୁ ୧୯୯୬ ମଧ୍ୟରେ କିଣାଯାଇଥିଲା । ସେତେବେଳ ଜୟଲଳିତା ମୁଖ୍ୟମନ୍ତ୍ରୀ ଥିଲେ ।

କର୍ଣ୍ଣାଟକର ପୂର୍ବତନ ସ୍ବତନ୍ତ୍ର କୋର୍ଟ ବିଚାରପତି ଜଷ୍ଟିସ ଜନ ମାଇକେଲ କୁନହା ଗତ ୨୦୧୪ରେ ଦେଇଥିବା ରାୟରେ ୧୧ଟି ସମ୍ପତ୍ତି ଆୟବହିର୍ଭୁତ ଦର୍ଶାଇଥିଲେ । ଏହି ସମ୍ପତ୍ତି ଭିତରେ ଥିଲା ଜୟଲଳିତା, ତାଙ୍କର ନିକଟତମ ସମ୍ପର୍କୀୟ ଶଶିକଳା, ଓ ଶିଶିକଳାଙ୍କ ବନ୍ଧୁ ଇଲାଭରାସି ଓ ସୁଧାକରନଙ୍କ ସମ୍ପତ୍ତି ରହିଥିଲା ।

ତେବେ୧୯୯୦ ଦଶକରେ ଏହି ସମ୍ପତ୍ତିର ମୂଲ୍ୟ ୨୦ ଲକ୍ଷ ଟଙ୍କା ହୋଇଥିବାବେଳେ ବର୍ତ୍ତମାନ ସେହି ସମ୍ପତ୍ତିର ମୂଲ୍ୟ ୧୦୦ କୋଟି ଟଙ୍କା ହେବ ବୋଲିୀ ସୁତ୍ରରୁ ପ୍ରକାଶ। ୨୦୧୪ର ରାୟ ଅନୁସାରେ ସେହି ସବୁ ସମ୍ପତ୍ତିକୁ ଜବତ କରିଛି ଆୟକର ବିଭାଗ ।