ଅନ୍ତରୀକ୍ଷରେ ଭାରତର ଆଉ ଏକ କିର୍ତ୍ତୀମାନ, ISROର PSLV-C50 ମିଶନ୍ ସଫଳ
1 min read
ନୂଆଦିଲ୍ଲୀ: ଅନ୍ତରୀକ୍ଷରେ ଭାରତର ଆଉ ଏକ କିର୍ତ୍ତୀମାନ । ମହାକାଶକୁ ଗଲା ଭାରତର ୪୨ତମ ଯୋଗାଯୋଗ ଉପଗ୍ରହ । ଗୁରୁବାର ଅପରାହ୍ନ ୩ଟା ୪୧ ମିନିଟରେ ଶ୍ରୀହରିକୋଟା ସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ପିଏସଏଲଭି-ସି୫୦ ଦ୍ୱାରା ଏହାକୁ ସଫଳତାର ସହ ଉତକ୍ଷେପଣ କରାଯାଇଛି । ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଯୋଗାଯୋଗ ଉପଗ୍ରହ ‘ସିଏମଏସ-୦୧’ ।
ଉତ୍କ୍ଷେପଣ ପରେ ଏହାକୁ ସଫଳତାର ସହ କକ୍ଷପଥରେ ଅବସ୍ଥାପିତ କରାଯାଇଥିବା ଇସ୍ରୋ ପକ୍ଷରୁ ସୂଚନା ଦିଆଯାଇଛି । ‘ସିଏମ୍ଏସ୍-୦୧’ ର ଉତ୍କ୍ଷେପଣ ପିଏସ୍ଏଲ୍ଭିର ଥିଲା ୫୨ ତମ ମିଶନ । ଏହି ଯୋଗାଯୋଗ ଉପଗ୍ରହ ବିସ୍ତାରିତ-ସି ବ୍ୟାଣ୍ଡରେ ସେବା ଯୋଗାଇବ । ଯେଉଁଥିରେ ଆଣ୍ଡାମାନ-ନିକୋବର ଏବଂ ଲାକ୍ଷାଦ୍ୱୀପ ଦ୍ୱୀପପୁଞ୍ଜକୁ ଯୋଗାଯୋଗ ସହଜ ହେବ ।
#CMS01 successfully separated from fourth stage of #PSLVC50 and injected into orbit#ISRO
— ISRO (@isro) December 17, 2020
