ମହାକାଶକୁ ଗଲା ଇସ୍ରୋର ସବୁଠୁ ଓଜନିଆ ରକେଟ୍
1 min read
ଶ୍ରୀହରିକୋଟା: ମହାକାଶ କ୍ଷେତ୍ରରେ ଇତିହାସ ରଚିଲା ଭାରତ । ଇସ୍ରୋ ପଠାଇଲା ସବୁଠୁ ଓଜନିଆ ରକେଟ୍ ଏଲଭି ମାର୍କ-୩ । ୩୬ଟି ଉପଗ୍ରହ ସାଙ୍ଗରେ ନେଇ ଯାଇଛି ରକେଟ୍ । ଘରୋଇ ଯୋଗାଯୋଗ ସଂସ୍ଥା ଓ୍ବାନ ଓ୍ବେବର ଏହି ଉପଗ୍ରହକୁ ଇସ୍ରୋ ପଠାଇଛି ମହାକାଶ ।
ରାତି ୧୨ଟା ୭ରେ ଆନ୍ଧ୍ରପ୍ରଦେଶର ଶ୍ରୀହରିକୋହଟାରୁ ସାଟେଲାଇଟ୍ ଉତକ୍ଷେପଣ କରାଯାଇଛି । ୪୩.୫ ମିଟର ଉଚ୍ଚ ରକେଟ୍ ଶ୍ରୀହାରିକୋଟାସ୍ଥିତ ସତୀଶ ଧାୱନ ସ୍ପେସ୍ ସେଣ୍ଟରରେ ଦ୍ବିତୀୟ ଲଞ୍ଚ ପ୍ୟାଡରୁ ପଠାଯାଇଛି । ୮ ହଜାର କିଲୋଗ୍ରାମ ପର୍ଯ୍ୟନ୍ତ ଉପଗ୍ରହ ପରିବହନ କରିବାର କ୍ଷମତା ପାଇଁ ଏହି ରକେଟକୁ ସବୁଠାରୁ ଭାରି ବୋଲି କୁହାଯାଉଛି ।
ISROର ଏହା ପ୍ରଥମ ଉତ୍ସର୍ଗୀକୃତ ବ୍ୟବସାୟିକ ମିଶନ୍ | ନ୍ୟୁ ସ୍ପେସ୍ ଇଣ୍ଡିଆ ଲିମିଟେଡ୍ ଏବଂ ବ୍ରିଟେନର ୱାନୱେବ ଲିମିଟେଡ୍ ମଧ୍ୟରେ ବାଣିଜ୍ୟିକ ବ୍ୟବସ୍ଥାର ଏକ ଅଂଶ ଭାବରେ ଏହି ମିଶନ୍ ନିଆଯାଉଛି ବୋଲି ଇସ୍ରୋ ପକ୍ଷରୁ କୁହାଯାଇଛି । ୨୦୨୩ ପୂର୍ବରୁ ଆଉ ଗୋଟିଏ ବ୍ୟାଚ୍ ସାଟେଲାଇଟ ଉତକ୍ଷେପଣ କରାଯିବ ବୋଲି ଜଣାପଡ଼ିଛି ।
