ଇତିହାସ ରଚିବ ଇସ୍ରୋ, ମହକାଶକୁ ଯିବ ଇସ୍ରୋର ସବୁଠୁ ଓଜନିଆ ରକେଟ୍

ଶ୍ରୀହରିକୋଟା: ମହାକାଶ କ୍ଷେତ୍ରରେ ଇତିହାସ ରଚିବ ଭାରତ । ମହକାଶକୁ ଯିବ ଇସ୍ରୋର ସବୁଠୁ ଓଜନିଆ ରକେଟ୍ । ଆରମ୍ଭ ହେଲା କାଉଣ୍ଟଡାଉନ । ରାତି ୧୨ଟା ୭ରେ ଆନ୍ଧ୍ରପ୍ରଦେଶର ଶ୍ରୀହରିକୋଟାରୁ ସାଟେଲାଇଟ୍ ଉତକ୍ଷେପଣ କରାଯିବ । ଇସ୍ରୋର ରକେଟ୍ ଏଲଭି ମାର୍କ-୩ ଏକ ଘରୋଇ ଯୋଗାଯୋଗ ସଂସ୍ଥା ଓ୍ବାନ ଓ୍ବେବର 36ଟି ଉପଗ୍ରହ ମହାକାଶକୁ ପରିବହନ କରିବ ।

43.5 ମିଟର ଉଚ୍ଚ ରକେଟ୍ ଶ୍ରୀହାରିକୋଟାସ୍ଥିତ ସତୀଶ ଧାୱନ ସ୍ପେସ୍ ସେଣ୍ଟରରେ ଦ୍ବିତୀୟ ଲଞ୍ଚ ପ୍ୟାଡରୁ ପଠାଯିବ । 8 ହଜାର କିଲୋଗ୍ରାମ ପର୍ଯ୍ୟନ୍ତ ଉପଗ୍ରହ ପରିବହନ କରିବାର କ୍ଷମତା ପାଇଁ ଏହି ରକେଟକୁ ସବୁଠାରୁ ଭାରି ବୋଲି କୁହାଯାଉଛି । ISROର ଏହା ପ୍ରଥମ ଉତ୍ସର୍ଗୀକୃତ ବ୍ୟବସାୟିକ ମିଶନ୍ । ନ୍ୟୁ ସ୍ପେସ୍ ଇଣ୍ଡିଆ ଲିମିଟେଡ୍ ଏବଂ ବ୍ରିଟେନର ୱାନୱେବ ଲିମିଟେଡ୍ ମଧ୍ୟରେ ବାଣିଜ୍ୟିକ ବ୍ୟବସ୍ଥାର ଏକ ଅଂଶ ଭାବରେ ଏହି ମିଶନ୍ ନିଆଯାଉଛି ବୋଲି ଇସ୍ରୋ ପକ୍ଷରୁ କୁହାଯାଇଛି । ୨୦୨୩ ପୂର୍ବରୁ ଆଉ ଗୋଟିଏ ବ୍ୟାଚ୍ ସାଟେଲାଇଟ ଉତକ୍ଷେପଣ କରାଯିବ ବୋଲି ଜଣାପଡିଛି ।