ଇସ୍ରୋ ମିଶନ ଫେଲ୍: ଲକ୍ଷ୍ୟ ସ୍ଥଳରେ ପହଞ୍ଚିବା ପରେ କଟିଲା ସମ୍ପର୍କ

ଶ୍ରୀହରିକୋଟା:  ଇସ୍ରୋ ପକ୍ଷରୁ କରାଯାଇଥିବା ପ୍ରଥମ ଛୋଟ ଉପଗ୍ରହ ଉତକ୍ଷେପଣ ଫେଲ୍ ହୋଇଯାଇଛି । ଦୁଇଟି ଛୋଟ ଉପଗ୍ରହକୁ ନେଇ ଯାଇଥିବା SSLV-D1 ଠାରୁ ଅନ୍ତିମ ପର୍ଯ୍ୟାୟରେ ସମ୍ପର୍କ ତୁଟି ଯାଇଛି । ଇସ୍ରୋ ଅଧ୍ୟକ୍ଷ ଏସ ସୋମନାଥ ସୂଚନା ଦେଇ କହିଛନ୍ତି, ‘କକ୍ଷସ୍ଥଳରେ ସ୍ଥାପନ ହୋଇଥିବା ସାଟେଲାଇଟ୍ ଏବେ ବ୍ୟବହାର ଯୋଗ୍ୟ ନୁହେଁ । ତ୍ରୁଟି ଜଣାପଡ଼ିଛି । ଏହାର ସମୀକ୍ଷା କରିବାକୁ ଏକ ସମିତି ଗଠନ କରାଯାଇଛି ।’

ଆଗକୁ ସେ ଆହୁରି କହିଥିଲେ, ‘SSLV-D1 ସବୁ ପର୍ଯ୍ୟାୟରେ ଆଶା ଅନୁସାରେ ପ୍ରଦର୍ଶନ କରିଥିଲା । ଏହାସହ ସାଟେଲାଇଟକୁ କକ୍ଷପଥରେ ପହଞ୍ଚାଇ ଦେଇଥିଲା । ହେଲେ ମିଶନର ଶେଷ ପର୍ଯ୍ୟାୟରେ କିଛି ଡାଟା ସମସ୍ୟା ଦେଖା ଦେଇଥିଲା ଓ ସାଟେଲାଇଟରୁ ସମ୍ପର୍କ କଟି ଯାଇଥିଲା ।’

ଆନ୍ଧ୍ରପ୍ରଦେଶ ଶୀହରିକୋଟାସ୍ଥିତ ସତୀଶ ଧଓ୍ବନ ସ୍ପେସ ସେଣ୍ଟରରୁ ରକେଟ୍ SSLV-D1କୁ ଉତକ୍ଷେପଣ କରାଯାଇଥିଲା । ତେବେ ଖୁବଶୀଘ୍ର SSLV-D2ର ପରୀକ୍ଷଣ କରାଯିବ ବୋଲି ଇସ୍ରୋ ପକ୍ଷରୁ କୁହାଯାଇଛି ।