ଆଜି ଇତିହାସ ରଚିବ ଇସ୍ରୋ, ମହାକାଶରେ କରିବ ସ୍ପେସ୍ ଡକିଂ ଏକ୍ସପେରିମେଣ୍ଟ
1 min read
ନନ୍ଦିଘୋଷ ବ୍ୟୁରୋ: ଆଜି ଇତିହାସ ରଚିବ ଇସ୍ରୋ । ମହାକାଶରେ କରିବ ସ୍ପେସ୍ ଡକିଂ ଏକ୍ସପେରିମେଣ୍ଟ । ପିଏସଏଲଭି -ସି-୬୦ ଜରିଆରେ ଦୁଇଟି ସ୍ପେସ୍ କ୍ରାଫଟକୁ କରାଯିବ ଅବସ୍ଥାପିତ । ସଫଳ ହେଲେ ସ୍ପେସ୍ ଷ୍ଟେସନ ପ୍ରତିଷ୍ଠା ଦିଗରେ ଆଗେଇବ ଇସ୍ରୋ । ଆଜି ହେବ ସ୍ପେ଼ଡେସ୍କ ମିଶନ। ମହାକାଶରେ ଆଉ ଏକ ଇତିହାସ ରଚିବ ଇସ୍ରୋ। ଆଜି ରାତି ୯.୫୮ରେ ହେବ ଲଞ୍ଚ । ଏନେଇ ଇସ୍ରୋ ପକ୍ଷରୁ କରାଯାଇଛି ଘୋଷଣା।
ସତୀଶ ଧାବନ ମହାକାଶ କେନ୍ଦ୍ରରୁ ହେବ ଉତକ୍ଷେପଣ। ସ୍ପେସ ଡକିଂ ଏକ୍ସପେରିମେଣ୍ଟ ସାଟେଲାଇଟ ବା ସ୍ପାଡେକ୍ସ ଲାଗି ଇସ୍ରୋ ଯୋଜନା କରିଛି। ମହାକାଶରେ ସ୍ବୟଂକ୍ରିୟ ଭାବେ ଡକିଂ ଲାଗି ଏହି ମିଶନ ଉଦ୍ଦିଷ୍ଟ। ମହାକାଶ ଗବେଷଣା ଓ ଭିତ୍ତିଭୂମି କ୍ଷେତ୍ରରେ ଇସ୍ରୋ ଲାଗି ଏହା ଗୁରୁତ୍ବପୂର୍ଣ୍ଣ ହେବ। ପିଏସଏଲଭି-ସି-୬୦ ଜରିଆରେ ଦୁଇଟି କ୍ଷୁଦ୍ର ସ୍ପେସକ୍ରାଫ୍ଟ ଅବସ୍ଥାପିତ ହେବ। ଭାରତୀୟ ଅନ୍ତରୀକ୍ଷ ଷ୍ଟେସନ ବା ବାସ୍ ପ୍ରତିଷ୍ଠା, ଚନ୍ଦ୍ର ଅଭିଯାନ ଆଦି କ୍ଷେତ୍ରରେ ସହାୟକ ହେବ। ସ୍ପାଡେକ୍ସ ମିଶନର ମୂଳ ଲକ୍ଷ୍ଯ ହେଉଛି ଲୋ ଆର୍ଥ ସର୍କୁଲାର ଅରବିଟରେ ଦୁଇଟି କ୍ଷୁଦ୍ର ଏୟାରକ୍ରାଫ୍ଟ SDX01 ଓ SDX02ର ଡକିଂ ଓ ଅନଡକିଂ। ଏହି ଦୁଇଟି ଯାକ ଏୟାରକ୍ରାଫ୍ଟର ଓଜନ ୨୨୦ କେଜି ଲେଖାଏ ଏବଂ ସମୟସୀମା ରହିବ ୬୬ ଦିନ।
