ଇସ୍ରୋର ସାଟେଲାଇଟ୍ EOS-09 ଉତକ୍ଷେପଣ ବିଫଳ
1 min read
ନନ୍ଦିଘୋଷ ବ୍ୟୁରୋ: ଇସ୍ରୋର EOS-09 ଉତକ୍ଷେପଣ ବିଫଳ ହୋଇଯାଇଛି । ଲଞ୍ଚିଂ ବେଳେ ତୃତୀୟ ପର୍ଯ୍ୟାୟରେ ତ୍ରୁଟି ଯୋଗୁଁ ମିଶନ ସଫଳ ହୋଇପାରିନି । ଏନେଇ ସୂଚନା ଦେଇଛନ୍ତି ଇସ୍ରୋ ମୁଖ୍ୟ ଭି. ନାରାୟଣନ । ୧୦୧ତମ ସାଟେଲାଇଟ୍ ଲଞ୍ଚ କରିଥିଲା ଇସ୍ରୋ । PSLV-C61 ରକେଟ ସହାୟତାରେ ସାଟେଲାଇଟକୁ ଲଞ୍ଚ କରାଯାଇଥିଲା । ଆନ୍ଧ୍ରପ୍ରଦେଶ ଶ୍ରୀହରିକୋଟାରୁ ସକାଳ ୫ଟା ୫୯ରେ ସାଟେଲାଇଟକୁ ଉତକ୍ଷେପଣ କରାଯାଇଥିଲା । ହେଲେ ତ୍ରୁଟି ଯୋଗୁଁ ମିଶନ ସଫଳ ହୋଇପାରିଲାନି ବୋଲି ଇସ୍ରୋ ମୁଖ୍ୟ କହିଛନ୍ତି ।
ରବିବାର ଭୋର ୫ଟା ୫୯ ମିନିଟରେ ଏହାର ଉତକ୍ଷେପଣ ହୋଇଥିଲା । ଶନିବାର ସକାଳ ୭ଟା ୫୯ ମିନିଟରୁ ଏଥିପାଇଁ କାଉଣ୍ଟ ଡାଉନ ଆରମ୍ଭ ହୋଇଥିଲା । ଏହି ଉପଗ୍ରହ ଯେକୌଣସି ପରିସ୍ଥିତିରେ ପୃଥିବୀର ହାଇ ରିଜୋଲ୍ୟୁସନ ଫଟୋ ନେବାକୁ ସକ୍ଷମ ଥିଲା । ଉପଗ୍ରହ ଦ୍ବାରା ୨୪ ଘଣ୍ଟା ଉଠା ଯାଉଥିବା ଫଟୋରୁ କୃଷି, ଜଙ୍ଗଲ ଉପରେ ନଜର ରଖିବା, ପ୍ରାକୃତିକ ବିପର୍ଯ୍ୟୟ ଉପରେ ନଜର ରଖିବା, ଅର୍ବାନ ପ୍ଲାନିଂ ଓ ରାଷ୍ଟ୍ରୀୟ ସୁରକ୍ଷା ଉପରେ ନଜର ରଖାଯାଇପାରିଥାନ୍ତା । ମିଶନର ଉଦ୍ଦେଶ୍ୟ ଥିଲା ସାରା ଦେଶରେ ହେଉଥିବା ଘଟଣାର ତଥ୍ୟ ସଂଗ୍ରହ କରିବା ।
