ଲ୍ୟାଣ୍ଡର ବିକ୍ରମ ପଠାଇଲା ଚନ୍ଦ୍ରର ରଙ୍ଗୀନ ଫଟୋ: ଇସ୍ରୋ କହିଲା, ଦେଖିବା ମଜାଦାର
1 min read
ବେଙ୍ଗାଲୁରୁ: ଚନ୍ଦ୍ରର ରଙ୍ଗୀନ ମାଟି । ଦେଖିଲେ ଆଚମ୍ବିତ ହୋଇଯିବେ । ଇସ୍ରୋ ଜାରି କଲା ଚନ୍ଦ୍ରାୟନ-୩ର ଲ୍ୟାଣ୍ଡର ବିକ୍ରମ ପଠାଇଥିବା ଫଟୋ । ଏହାସହ ଇସ୍ରୋ ପକ୍ଷରୁ କୁହାଯାଇଛି, ଏହାକୁ ଦେଖିବାର ପ୍ରକୃତ ମଜା ଥ୍ରିଡି ଚଷମା ପିନ୍ଧି ଦେଖିବାରେ ଅଛି । ରୋଭର ପ୍ରଜ୍ଞାନ ଏହି ଫଟୋ କିଛିଦିନ ପୂର୍ବେ ଲ୍ୟାଣ୍ଡର ବିକ୍ରମଠାରୁ ୧୫ ମିଟର ଦୂରରୁ ଉଠାଇଥିଲା ।
ଇସ୍ରୋ ବିକ୍ରମ ଲ୍ୟାଣ୍ଡରର ଆଖପାଖକୁ ଡାୟମେନସନକୁ ଷ୍ଟେରିଓ ଓ ମଲ୍ଟି ବ୍ଲ୍ୟୁ ଇମେଜ୍ ଆକାରରେ ଜାରି କରିଛି । ଏହାକୁ ଇସ୍ରୋ ଏନଗଲିଫ ବୋଲି କହୁଛି । ଏହି ଫଟୋକୁ ରୋଭର ପ୍ରଜ୍ଞାନରେ ଲାଗିଥିବା ନେଭକେମ୍ କ୍ୟାମେରା ଉଠାଇଥିଲା । ଯାହାକୁ ପରେ ନେଭକେମ୍ ଷ୍ଟେରିଓ ବଦଳାଇ ଦେଇଥିଲା ।
ଏହା ୩ଟି ଚ୍ୟାନେଲର ଫଟୋ । ପ୍ରକୃତରେ ଏହା ଦୁଇଟି ଫଟୋର ମିଶ୍ରଣ । ଗୋଟିଏ ଫଟୋ ରେଡ ଚ୍ୟାନେଲରେ ଉଠାଯାଇଥିବା ବେଳେ ଅନ୍ୟଟି ବ୍ଲୁ୍ୟ ଓ ଗ୍ରୀନ ଚ୍ୟାନେଲରେ ଉଠାଯାଇଥିଲା । ଦୁଇ ଫଟୋକୁ ମିଶାଇବା ପରେ ଏମିତି ଫଟୋ ହୋଇପାରିଛି । ଏହି କାରଣରୁ ବିକ୍ରମ ଲ୍ୟାଣ୍ଡର ଥ୍ରିଡିରେ ଦିଶିବ । ଅର୍ଥାତ ଆପଣଙ୍କୁ ଲାଗିବ ଆପଣ ଚନ୍ଦ୍ର ଉପରେ ଛିଡ଼ା ହୋଇ ବିକ୍ରମକୁ ଦେଖୁଛନ୍ତି ।
