ମହାକାଶ ଇତିହାସରେ ଯୋଡ଼ି ହେଲା ନୂଆ ଫର୍ଦ୍ଦ, ସତୀଶ ଧାଓ୍ବନ ମହାକାଶ କେନ୍ଦ୍ରରୁ SSLV D2 ସଫଳ ଉତକ୍ଷେପଣ
1 min read
ଶ୍ରୀହରିକୋଟା: ଇତିହାସ ରଚିଲା ଇସ୍ରୋ । ସବୁଠୁ ଛୋଟ SSLVର ସଫଳ ଉତକ୍ଷେପଣ କରିଛି ISRO । ଆନ୍ଧ୍ରପ୍ରଦେଶ ଶ୍ରୀହରିକୋଟାର ସତୀଶ ଧାଓ୍ବନ ଅନ୍ତରୀକ୍ଷ କେନ୍ଦ୍ରରୁ SSLV- D2 ରକେଟ ଲଞ୍ଚ କରାଯାଇଛି । ଆଜି ସକାଳ ୯ଟା ୧୮ରେ ଏହି ରକେଟ ଲଞ୍ଚ କରାଯାଇଛି । ଏଥିରେ ଆର୍ଥ ଅବଜରବେସନ ସାଟେଲାଇଟ EOS-07 ମହାକାଶକୁ ପଠାଯାଇଛି । ଆମେରିକାର ୧୦.୨ କିଲୋଗ୍ରାମର ଜାସୁସ-୧ ସାଟେଲାଇଟ ମଧ୍ୟ ଏଥିରେ ପ୍ରେରଣ କରଯାଇଛି ।
ଏହାସହ ଭାରତୀୟ ଷ୍ଟାର୍ଟଅପ କମ୍ପାନୀ ସ୍ପେଶ କିଡଜର ଆଜାଦି ସାଟ୍-୨ ମଧ୍ୟ ପଠାଯାଇଛି । ରକେଟ ଉତକ୍ଷେପଣର ୧୩ ମିନିଟ ପରେ ସମସ୍ତ ସାଟେଲାଇଟ ଅରବିଟରେ ପହଞ୍ଚିଛନ୍ତି । ୨୦୨୨ ଅଗଷ୍ଟ ୭ ତାରିଖରେ ଏହି ରକେଟରେ ଦୁଇଟି ସାଟେଲାଇଟ ଛଡ଼ାଯାଇଥିଲା । ମାତ୍ର ଶେଷ ପର୍ଯ୍ୟାୟରେ ଏକ୍ସେଲେରୋମିଟରରେ ତ୍ରୁଟି ଯୋଗୁ ଦୁଇ ସାଟେଲାଇଟ ଭୁଲ ଅରବିଟରେ ପହଞ୍ଚି ଯାଇଥିଲେ । ମାତ୍ର ପ୍ରଥମ ଥରରେ ରକେଟର ସଫଳ ଲଞ୍ଚିଂ କରାଯାଇଥିଲା ।
