ଇସ୍ରୋର ୧୦୧ ମିଶନ ଲଞ୍ଚ ପାଇଁ କାଉଣ୍ଟଡାଉନ ଆରମ୍ଭ, ଉତକ୍ଷେପଣ ହେବ ଇଓଏସ-୦୯ ଉପଗ୍ରହ

ନନ୍ଦିଘୋଷ ବ୍ୟୁରୋ: ମହାକାଶରେ ପୁଣି କମାଲ କରିବାକୁ ଯାଉଛି ଇସ୍ରୋ । ଏଥିପାଇଁ ଆରମ୍ଭ ହୋଇସାରିଛି ୨୨ ଘଣ୍ଟିଆ କାଉଣ୍ଟ ଡାଉନ । ଅସନ୍ତାକାଲି ୧୮ ତାରିଖରେ ଶ୍ରୀହରିକୋଟା ସ୍ଥିତ ଅନ୍ତରିକ୍ଷ କେନ୍ଦ୍ରର ପ୍ରଥମ ଲଞ୍ଚ ପ୍ୟାଡ଼ରୁ ଏହାର ଉଦକ୍ଷେପଣ କରାଯିବ । ପିଏସଏଲଭି –ସି୬୧ରେ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ (ଇଓଏସ-୦୯) ଉତକ୍ଷେପଣ କରିବ ଇସ୍ରୋ ।

ରବିବାର ଭୋର  ୫ଟା ୫୯ ମିନିଟରେ ଏହାର ଉତକ୍ଷେପଣ କରାଯିବ । ଶନିବାର ସକାଳ ୭ଟା ୫୯ ମିନିଟରୁ ଏଥିପାଇଁ କାଉଣ୍ଟ ଡାଉନ ଆରମ୍ଭ ହୋଇଯାଇଛି । ଏହି ଉପଗ୍ରହ ଯେକୌଣସି ପରିସ୍ଥିତିରେ ପୃଥିବୀର ହାଇ ରିଜୋଲ୍ୟୁସନ ଫଟୋ ନେବାକୁ ସକ୍ଷମ । ଏହା ଇସ୍ରୋର ୧୦୧ ତମ ମିଶନ ହୋଇଥିବା ବେଳେ ପିଏସଏଲଭିର ୬୩ତମ ମିଶନ ହେବ ।

ଉପଗ୍ରହ ଦ୍ବାରା ୨୪ ଘଣ୍ଟା ଉଠା ଯାଉଥିବା ଫଟୋରୁ କୃଷି, ଜଙ୍ଗଲ ଉପରେ ନଜର ରଖିବା, ପ୍ରାକୃତିକ ବିପର୍ଯ୍ୟୟ ଉପରେ ନଜର ରଖିବା, ଅର୍ବାନ ପ୍ଲାନିଂ ଓ ରାଷ୍ଟ୍ରୀୟ ସୁରକ୍ଷା ଉପରେ ନଜର ରଖାଯାଇପାରିବ । ପ୍ରାୟ ୧୬.୯୬.୨୪ କିଲୋଗ୍ରେମର ଇଓଏସ-୦୯ ଉପଗ୍ରହ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ ସମୂହରେ ସାମିଲ ହେବ । ମିଶନର ଉଦ୍ଦେଶ୍ୟ ହେଉଛି, ସାରା ଦେଶରେ ହେଉଥିବା ଘଟଣାର ତଥ୍ୟ ସଂଗ୍ରହ କରିବା ।