ଇସ୍ରାଏଲରେ ଚିହ୍ନଟ ହେଲା ପ୍ରଥମ ‘ଫ୍ଲୋରୋନା’ ମାମଲା, କୋଭିଡ୍ ଓ ଇନଫ୍ଲୁଏଞ୍ଜାର ମିଶ୍ରିତ ସଂକ୍ରମଣ

Israel detects first case of 'florona' disease

ଜେରୁସଲେମ: ବିଶ୍ୱର ବିଭିନ୍ନ ଦେଶରେ ଓମିକ୍ରନ୍ ଆତଙ୍କ ରଚୁଛି । ଓମିକ୍ରନର ବଢ଼ୁଥିବା ମାମଲାକୁ ଦେଖି ବିଭିନ୍ନ ରାଷ୍ଟ୍ର କଟକଣାକୁ କଡ଼ାକଡ଼ି କରୁଛନ୍ତି । ଅନ୍ୟପଟେ କୋଭିଡର ଭିନ୍ନ ଭିନ୍ନ ଭାରିଆଣ୍ଟରୁ ରକ୍ଷା ପାଇବା ଲାଗି ଟିକାକରଣକୁ ଗୁରୁତ୍ୱ ଦିଆଯାଉଛି । ଏହାରି ଭିତରେ ଇସ୍ରାଏଲରେ ଚିହ୍ନଟ ହୋଇଛି ନୂଆ ରୋଗ ‘ଫ୍ଲୋରୋନା’ । କରୋନା ଓ ଇନଫ୍ଲୁଏଞ୍ଜାର ମିଶ୍ରିତ ସଂକ୍ରମଣ ହେଉଛି ‘ଫ୍ଲୋରୋନା’ ।

ଇସ୍ରାଏଲ୍ କୋଭିଡ୍ ଟିକାର ଚତୁର୍ଥ ଡୋଜ୍ ଦେବା ଆରମ୍ଭ କରିଥିବା ବେଳେ ପୁଣି ନୂଆ ରୋଗ ଚିହ୍ନଟ ସମସ୍ତଙ୍କୁ ଚିନ୍ତିତ କରିଛି । ବିଶ୍ୱର ପ୍ରଥମ ଦେଶ ଭାବେ ଇସ୍ରାଏଲ୍ କୋଭିଡ୍ ସଂକ୍ରମଣ ଆଶଙ୍କା ଥିବା ଲୋକଙ୍କୁ କୋଭିଡ୍ ଟିକାର ଚତୁର୍ଥ ଡୋଜ୍ ଦେଉଛି । ଅଗଷ୍ଟରେ ଇସ୍ରାଏଲ୍ ୧୫୦ ଜଣ ସ୍ୱାସ୍ଥ୍ୟକର୍ମୀଙ୍କୁ କୋଭିଡ୍ ଟିକାର ବୁଷ୍ଟର ଡୋଜ୍ ଦେଇଥିଲା । ଏବେ ସେହି ମାନଙ୍କୁ ଚତୁର୍ଥ ଡୋଜ୍ ଦେବା ଆରମ୍ଭ ହୋଇଛି ।

ଏବେ ଇସ୍ରାଏଲରେ କରୋନାର ୨୨ ହଜାର ସକ୍ରିୟ ମାମଲା ରହିଛି । କୋଭିଡ୍ ସଂକ୍ରମଣ ଆରମ୍ଭରୁ ଏବେ ଯାଏ ଇସ୍ରାଏଲରେ କରୋନାରେ ୮ ହଜାର ୨୪୩ ଜଣଙ୍କ ମୃତ୍ୟୁ ହୋଇଛି । ଗୁରୁବାର ଗୋଟିଏ ଦିନରେ ଇସ୍ରାଏଲରେ କୋଭିଡର ୫ ହଜାରରୁ ଅଧିକ ମାମଲା ଆସିଛି ।

Leave a Reply