ଇସ୍ରାଏଲ ଡିଫେନ୍ସ ଫୋର୍ସେସ IDF ପକ୍ଷରୁ ଲାଇଭ୍ ଅପରେସନ ଭିଡିଓ ଜାରି
1 min read
ନୂଆଦିଲ୍ଲୀ : ଗାଜା-ଇସ୍ରାଏଲ ସଂଘର୍ଷ ମଧ୍ୟରେ ଆସିଲା ପଣବନ୍ଦୀଙ୍କୁ ଉଦ୍ଧାର କରିବାର ଲାଇଭ ଭିଡିଓ । ଇସ୍ରାଏଲ ଡିଫେନ୍ସ ଫୋର୍ସେସ୍ ଏହି ଭିଡିଓ ଜାରି କରିଛି । କେମିତି ଇସ୍ରାଏଲ ସେନାର ଯବାନ ଆତଙ୍କୀଙ୍କ ଶିବିର ଉପରେ ଚଢାଉ କରୁଛନ୍ତି । ସେଠାରୁ ପଣବନ୍ଦୀଙ୍କୁ କିପରି ମୁକ୍ତ କରୁଛନ୍ତି ଏହି ଭିଡିଓରେ ସ୍ପଷ୍ଟ ବାରି ହେଉଛି। ୨୫୦ରୁ ଅଧିକ ପଣବନ୍ଦୀଙ୍କୁ ଉଦ୍ଧାର କରିଥିଲେ ଇସ୍ରାଏଲ ସେନାର ଯବାନ ।
ଗାଜାରେ ହମାସ ଆତଙ୍କବାଦୀଙ୍କ କବଳରେ ଥିବା ଇସ୍ରାଏଲି ପଣବନ୍ଦୀଙ୍କୁ ଉଦ୍ଧାର କରିଥିଲେ । ଗତ ୭ ଅକ୍ଟୋବରରେ କରାଯାଇଥିଲା ଏହି ଅପରେସନ । ଏହି ଭିଡିଓରେ ସ୍ପଷ୍ଟ ଭାବେ ଦେଖିହେଉଛି ଯେ କିପରି ଚାଲିଛି ଅପରେସନ । ଗୋଟିଏ ଘରେ ପଣବନ୍ଦୀ କରି ରଖିଥିବା ନାଗରିକଙ୍କୁ ଉଦ୍ଧାର କରିବାକୁ ପ୍ରବେଶ କରୁଛନ୍ତି ଇସ୍ରାଏଲ ସେନାର ଯବାନ । ଅସ୍ତ୍ରଶସ୍ତ୍ରରେ ସଜ୍ଜିତ ପୁରା ଟିମ୍ ଏହି ଅପରେସନରେ ସାମିଲ ହୋଇଛି । ଯବାନଙ୍କ ଶରୀରରେ ଲାଗିଥିବା ବଡି କ୍ୟାମେରାରେ ଏହି ଭିଡିଓ କଏଦ ହୋଇଥିଲା ।ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଇସ୍ରାଏଲି ସେନା ଏହି ଭିଡିଓ ଜାରି କରିଛି । ଅପରେସନରେ ଇସ୍ରାଏଲ ସେନା ଆଇଡିଏଫ୍ ୬୦ରୁ ଅଧିକ ଆତଙ୍କବାଦୀଙ୍କୁ ନିପାତ କରିଥିବାବେଳେ ୨୬ ଆତଙ୍କବାଦୀ ଜୀବିତ ଧରା ପଡିଥିଲେ।
