ଇମ୍ରାନଙ୍କୁ ବଡ଼ ଆଶ୍ୱସ୍ତି; ଅଲ କାଦୀର ଟ୍ରଷ୍ଟ ମାମଲାରେ ୨ ସପ୍ତାହ ପାଇଁ ଜାମିନ ଦେଲେ ଇସଲାମାବାଦ ହାଇକୋର୍ଟ

ଇସଲାମାବାଦ: ଇମ୍ରାନ ଖାନଙ୍କୁ ବଡ଼ ଆଶ୍ବସ୍ତି । ଅଲ କାଦୀର ଟ୍ରଷ୍ଟ ମାମଲାରେ ୨ ସପ୍ତାହ ପାଇଁ ଜାମିନ ଦେଲେ ଇସଲାମାବାଦ ହାଇକୋର୍ଟ । ଗତକାଲି ସୁପ୍ରିମକୋର୍ଟ ମଧ୍ୟ ଇମ୍ରାନ ଖାନଙ୍କ ଗିରଫଦାରିକୁ ବେଆଇନ ବୋଲି କହିଥିଲେ । କୋର୍ଟରୁମ୍ରୁ ରେଞ୍ଜର୍ସ ମାନେ ଇମ୍ରାନ ଖାନଙ୍କୁ ଗିରଫ କରିବା ଠିକ୍ ହୋଇନି ବୋଲି କହିଥିଲେ । ଆଜି ଇସଲାମାବାଦ ହାଇକୋର୍ଟ ଇମ୍ରାନଙ୍କୁ ଜାମିନ ଦେଇଛନ୍ତି । ଗିରଫ ବେଳେ ତାଙ୍କ ମୁଣ୍ଡକୁ ମାଡ଼ ମରାଯାଇଥିଲା ବୋଲି କୋର୍ଟରେ କହିଛନ୍ତି ଇମ୍ରାନ୍ । ତୋଷଖାନା ଦୁର୍ନୀତି ମାମଲାରେ ମଧ୍ୟ ଶୁଣାଣି ସ୍ଥଗିତ । ଇସଲାମାବାଦ ହାଇକୋର୍ଟରୁ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ବଡ଼ ଆଶ୍ବସ୍ତି ମିଳିଛି ।

ଇମ୍ରାନଙ୍କ ବିରୋଧରେ ଅପରାଧିକ ମାମଲା ରୁଜୁ ବନ୍ଦ କରିବାକୁ ନିର୍ବାଚନ ଆୟୋଗ ନିର୍ଦ୍ଦେଶ ଦେଇଛନ୍ତି ଇସଲାମାବାଦ ହାଇକୋର୍ଟ । ତଳ କୋର୍ଟରେ ଶୁଣାଣି ଉପରେ ମଧ୍ୟ କୋର୍ଟ ସ୍ଥଗିତାଦେଶ ଲଗାଇଛନ୍ତି । ଇମ୍ରାନଙ୍କୁ ମୁକ୍ତି କରିବାକୁ ସର୍ବୋଚ୍ଚ କୋର୍ଟ ନିର୍ଦ୍ଦେଶ ଦେବା ପରେ ଏହାକୁ ସମାଲୋଚନା କରିଛନ୍ତି ପାକିସ୍ତାନ ସରକାର । କୋର୍ଟଙ୍କ ନିର୍ଦ୍ଦେଶ ସାରାଦେଶରେ ଅଶାନ୍ତି ସୃଷ୍ଟି କରିବ ବୋଲି ସରକାର କହିଛନ୍ତି । ଏଥିସହ ପ୍ରଧାନ ବିଚାରପତି ଇସ୍ତଫା ଦିଅନ୍ତୁ ବୋଲି କହିଛନ୍ତି ପୂର୍ବତନ ପ୍ରଧାନମନ୍ତ୍ରୀ ନଓ୍ବାଜ ସରିଫଙ୍କ ଝିଅ ମରିୟାମ ନଓ୍ବାଜ । ସେପଟେ ଅନ୍ୟ ଏକ ମାମଲାରେ ଇମ୍ରାନଙ୍କୁ ଗିରଫ କରିବାକୁ ଯୋଜନା ଚାଲିଛି ବୋଲି ଜଣାପଡ଼ିଛି ।