ମସ୍କୋ: ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ISIS-K ସଙ୍ଗଠନର ଧମକ। ରାଷ୍ଟ୍ରପତି ବ୍ଲାଦିମିର ପୁଟିନଙ୍କୁ ଧମକ ଦେଇ ଏକ ପୋଷ୍ଟର ଜାରି କରିଛି ଏହି ଆତଙ୍କବାଦୀ ସଙ୍ଗଠନ। ପୋଷ୍ଟରରେ କଳା ମୁଖା ପିନ୍ଧା ଆତଙ୍କବାଦୀ ହାତରେ ଛୁରୀ ଦେଖାଇ ଧମକ ଦେବାର ଫଟୋ ରହିଛି। ଏହି ଫଟୋ ତଳେ ଧମକ ଦେବାର ଲେଖା ଉଲ୍ଲେଖ ରହିଛି। ଆଫଗାନିସ୍ଥାନରେ ସକ୍ରିୟ ISIS ଖୋରାସନ ୟୁନିଟ ପକ୍ଷରୁ ଏହି ଚେତାବନୀ ଦିଆଯାଇଛି।
ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ହତ୍ଯା ଧମକ ଦେଇଛି ଆଇଏସଆଇଏସ। ଆଗକୁ ଆହୁରି ହମଲା କରି ଅଧିକ ସଂଖ୍ୟକ ଋଷ ନାଗରିକଙ୍କୁ ହତ୍ଯା କରିବାକୁ ଚେତାବନୀ ଦେଇଛି ଆଇଏଲଆଇଏସ। ଇସଲାମିକ୍ ଷ୍ଟେଟ୍ ଖୋରାସନ ପ୍ରୋଭିନ୍ସ ସମ୍ପର୍କରେ ଥିବା ଅଲ୍ ଅଜିମି ପକ୍ଷରୁ ପ୍ରକାଶିତ ସଂସ୍ଥା ପକ୍ଷରୁ ଏହି ପୋଷ୍ଟର ଜାରି କରାଯାଇଛି। ଗତ ମାର୍ଚ୍ଚ ୨୨ରେ ହୋଇଥିବା ମସ୍କୋ ଆକ୍ରମଣକୁ ଉଲ୍ଲେଖ କରି ପୁଣି ଥରେ ଜୋରଦାର ହମଲା କରିବାକୁ ଚେତାବନୀ ଦେଇଛି ISIS।
ଗତ ୨୨ ତାରିଖରେ ମସ୍କୋର କନସର୍ଟ ସେଣ୍ଟର ଆକ୍ରମଣରେ ୧୩୭ ଜଣଙ୍କ ମୃତ୍ଯୁ ଘଟିଛି। ଏହି ଆକ୍ରମଣ ପରେ ନିଜକୁ ଦାୟୀ କରିଥିଲା ଆଇଏସଆଇଏସ-କେ ସଂଗଠନ। କିଛି ବର୍ଷ ଧରି ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ବିରୋଧ କରିଆସୁଛି ISIS-K। ଋଷର ବିଭିନ୍ନ ନୀତିକୁ ସଙ୍ଗଠନ ପକ୍ଷରୁ ବିରୋଧ କରାଯାଉଛି। ମୁସଲମାନଙ୍କ ବିରୋଧରେ ଋଷ କାର୍ଯ୍ୟ କରୁଥିବା ନେଇ ସଂଗଠନ ଅଭିଯୋଗ କରି ଆସୁଛି। କେନ୍ଦ୍ରୀୟ ଏସୀୟ ଆତଙ୍କବାଦୀ ସଙ୍ଗଠନଗୁଡିକ ସହ ନିଜର ପ୍ରଭାବ ବିସ୍ତାର ଲାଗି ଉଦ୍ୟମ କରୁଛି ସଙ୍ଗଠନ।
