ଦେଶ ପୁଣି ଦେଖିବ କି ଏକ ମାନ୍ଦାବସ୍ଥା ? କଣ ରହିବ ପ୍ରଭାବ ?

ନୂଆଦିଲ୍ଲୀ: କରୋନା ପରେ ଜିଡିପିର ସ୍ଥିତି ଭଲ ନାହିଁ । କ୍ରମାଗତ ଭାବେ ତଳମୁହାଁ ହେବାରେ ଲାଗିଛି । ଭାରତର କେନ୍ଦ୍ରୀୟ ବ୍ୟାଙ୍କ ଅନୁଯାୟୀ, ଏହି ତ୍ରୟମାସିକରେ ମଧ୍ୟ ୮.୬ ପ୍ରତିଶତର ସଙ୍କୁଚିତ ହେବା, ନିଶ୍ଚିତ । ତେବେ କିଛି ଆରବିଆଇ ଅଧିକାରୀ ଏକଥା ମଧ୍ୟ କହୁଛନ୍ତି ଯେ ଦେଶ ଏକ ଭୀଷଣ ମାନ୍ଦାବସ୍ଥା ଦେଇ ଗତି କରୁଛି ଅଥବା ଖୁବ୍ ଶୀଘ୍ର ଏକ ବଡ଼ ଧରଣର ମାନ୍ଦାବସ୍ଥା ଆସିବ । ତେବେ ଯଦି ଏଭଳି ହୁଏ, ତେବେ କରୋନା ବେଳେ ଭାରତର ଏଭଳି ଦୁର୍ଘଟଣା ଶନି ଦସାଠାରୁ କମ୍ ହେବନି ।

ମାନ୍ଦାବସ୍ଥା କ’ଣ ?

ମାନ୍ଦାବସ୍ଥା ଶଦ୍ଦର ଅର୍ଥ ଗୋଟିଏ ଦେଶର ଜିଡିପି ଯଦି କ୍ରମାଗତ ଭାବେ ଦୁଇ ତ୍ରୟମାସିକ ପର୍ଯ୍ୟାୟରେ ହ୍ରାସ ହୁଏ ତେବେ ବୁଝିବାକୁ ହେବ ଯେ ଦେଶରେ ମାନ୍ଦାବସ୍ଥା ଆସି ସାରିଛି । ଏହି ହିସାବରେ ଯଦି ଭାରତରେ ୨ୟ ତ୍ରୟମାସିକ ବର୍ଷରେ ଯଦି ଜିଡିପି ହ୍ରାସ ହୁଏ ତେବେ ଦେଶରେ ମାନ୍ଦାବସ୍ଥା ଆସିଥିବା, ସ୍ପଷ୍ଟ ହେବ ।

ମାନ୍ଦାବସ୍ଥାର ପ୍ରଭାବ କିପରି ପଡେ

ଦେଶରେ ମାନ୍ଦାବସ୍ଥା ଆସିବାର ଅର୍ଥ ଏହା ଯେ ଜିଡିପି କ୍ରମାଗତ ଭାବେ କମିବାରେ ଲାଗିଛି । ଅର୍ଥାତ୍ ଆହୁରି ସ୍ପଷ୍ଟ ଶଦ୍ଦରେ କହିଲେ, ଦେଶର ଭିତରେ ପ୍ରସ୍ତୁତ ହେଉଥିବା ଉତ୍ପାଦର ପରିମାଣ କମିବାରେ ଲାଗିବ । ଉତ୍ପାଦ କମ୍ ହେଲେ ମାନବ ସମ୍ୱଳ କମିବ । ମାନବ ସମ୍ୱଳ କମିବାର ଅର୍ଥ ନିଯୁକ୍ତ କମିବା । ତେଣୁ ସାମୂହିକ ଭାବେ ଦେଶରେ ଆର୍ଥିକ ସମସ୍ୟା ଦେଖାଯିବ । ଏହାପରେ ଚାହିଦା କମିବା କିମ୍ୱା ବଢିବା ଉପରେ ଦ୍ରବ୍ୟର ମୂଲ୍ୟ ଏତେ ମାତ୍ରାରେ ନିର୍ଭରଶୀଳ ହେବନି । ଲୋକଙ୍କର କ୍ରୟ କ୍ଷମତା କମିବା ସହ ବଜାର ନିଜ ମହତ୍ତ୍ୱ ହରାଇବ । ଘରୋଇ ଉତ୍ପାଦ କମିବା ପରେ ବସ୍ତୁର ମୂଲ୍ୟ ମଧ୍ୟ ବଢିବାର ଆଶଙ୍କା ଦେଶ ଉପରେ ସବୁବେଳେ ରହିବ । ଯାହା ଦ୍ୱାରା ଦେଶ ଏକ ବିଷମ ସ୍ଥିତିରେ ପହଞ୍ଚିବ । ତେବେ ଭାରତରେ ମାନ୍ଦାବସ୍ଥା ନୂଆ କଥା ନୁହେଁ । ଶେଷ ଥର ୨୦୦୮ରେ ଭାରତରେ ମାନ୍ଦାବସ୍ଥା ଆସିଥିଲା । ହେଲେ ସେତେବେଳ ଦେଶ ନିଜ ଦମରେ ମାନ୍ଦାବସ୍ଥାରୁ ମୁକୁଳି ପାରିଥିଲା । ଭାରତର ବଡ଼ ବଜାର, ଭାରତୀୟ କାରବାରରେ ନିବେଶ, ନାଗରିକଙ୍କ ସଞ୍ଚୟ ରାଶି (ବ୍ୟାଙ୍କ ପୁଞ୍ଜି) ବଳରେ ଭାରତୀୟ ଅର୍ଥ ବ୍ୟବସ୍ଥା ନିଜ ପୂର୍ବ କଳେବରକୁ ଫେରି ଆସି ପାରିଥିଲା ।