IRCTCର ଖାସ ଅଫର, କମ ଖର୍ଚ୍ଚରେ ୪ ଦର୍ଶନୀୟ ସ୍ଥାନ ସହ ରହିବା ଓ ଖାଇବାର ମାଗଣା ବ୍ୟବସ୍ଥା

ନୂଆଦିଲ୍ଲୀ: ଯଦି ଆପଣ ବର୍ତ୍ତମାନ କୁଆଡ଼େ ବୁଲିଯିବା ପାଇଁ ଯୋଜନା କରୁଛନ୍ତି ତେବେ ଏହା ଆପଣଙ୍କ ପାଇଁ ଏକ ସୁବର୍ଣ୍ଣ ସୁଯୋଗ । ଭାରତୀୟ ରେଳ ସହ ଆପଣ ନିଶ୍ଚିନ୍ତରେ ବୁଲିବାର ସୁଯୋଗ ପାଇବେ । ଏଥିପାଇଁ IRCTC ଆପଣଙ୍କ ପାଇଁ ଏକ ଖାସ ଅଫର ନେଇ ଆସୁଛି । ଏହି ଅଫରରେ IRCTC ଆପଣଙ୍କୁ କୋଚିନ, ମୁନ୍ନାର, ଥେକ୍କାଡୀ, କୁମାରକୋମ ଭଳି ଅନେକ ଦର୍ଶନୀୟ ସ୍ଥାନ ବୁଲାଇବ । କେରଳର ଏହି ଟୁର୍ ପ୍ୟାକେଜ ୫ ରାତି ଏବଂ ୬ ଦିନ ପାଇଁ ରହିବ । IRCTC ମୁତାବକ ଏହି ଟୁର୍ ସେପ୍ଟେମ୍ବର ୧୦ ତାରିଖରୁ ଅହମଦାବାଦ ସହରରୁ ଆରମ୍ଭ ହେବ ।

ସୂଚନା ଅନୁଯାୟୀ କେରଳର ଏହି ୬ ଦିନିଆ ଟୁର ପ୍ୟାକେଜ ପାଇଁ ଆପଣଙ୍କୁ ମାତ୍ର ୨୩,୫୦୦ ଟଙ୍କା ଖର୍ଚ୍ଚ କରିବାକୁ ପଡ଼ିବ । ଏହି ଆପଣଙ୍କ ବୁଲାବୁଲି ସମେତ ରହିବା ଏବଂ ଖାଇବା ପିଇବାର ମଧ୍ୟ ଉଚିତ ବନ୍ଦୋବସ୍ତ କରାଯାଇଛି । ତେବେ ଜାଣନ୍ତୁ ଏହି ପ୍ୟାକେଜକୁ ନେଇ ସବିଶେଷ ତଥ୍ୟ-

ପ୍ୟାକେଜରେ ମିଳିବ ଏହିସବୁ ସୁବିଧା-

• ଆପଣଙ୍କ ରହିବା ପାଇଁ ସମସ୍ତ ଜାଗାରେ ୩ ତାରକା ହୋଟେଲର ବ୍ୟବସ୍ଥା କରାଯାଇଛି ।
• ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ଯିବା ପାଇଁ ଗାଡ଼ିର ସୁବିଧା ମିଳିବ ।
• ମିଲ୍ ରେ ଆପଣଙ୍କ ଜଳଖିଆ ସହ ରାତି ଖାଦ୍ୟ ମିଳିବ ।
• ଏହାବ୍ୟତୀତ ଦର୍ଶନୀୟ ସ୍ଥାନର ଦର୍ଶନ କରାଯିବ ।
• ଏଥିରେ ସମସ୍ତ ପ୍ରକାର ଟ୍ୟାକ୍ସ ଲାଗୁ ରହିବ ।

ଏହି ଟୁର୍ ସମୟରେ ଆପଣ ଯଦି ଲଣ୍ଡ୍ରି, ଟେଲିଫୋନ ବିଲ୍ ଏବଂ ପାନୀୟ ପଦାର୍ଥ, ବିଜୁଳି ସୁବିଧା, ଟିପ୍ସ, ବୀମା, ମଦ, ରୁମ୍ ସର୍ଭିସ୍, କ୍ୟାମେରା ଚାର୍ଜ, ଟେଲିଫୋନ କଲ୍ ଆଦିର ବ୍ୟବହାରରେ ଅଲଗା ଟାର୍ଜ ନିଆଯିବ ।

 ପ୍ରଥମ ଦିନ – କୋଚିନ

ଏହି ଟୁରରେ ଆପଣଙ୍କୁ ପ୍ରଥମେ କୋଚିନ ଭ୍ରମଣ କରାଯିବ । ଏଠାରେ ଆପଣଙ୍କୁ ହୋଟେଲର ବ୍ୟବସ୍ଥା ମିଳିବ । ଏହାପରେ ସନ୍ଧ୍ୟାରେ ମରିନ ଡ୍ରାଇଭର ମଜା ଆପଣମାନେ ଉଠାଇପାରିବେ ।

ଦ୍ୱିତୀୟ ଦିନ- ମୁନ୍ନାର

ଦ୍ୱିତୀୟ ଦିନ ଆପଣଙ୍କୁ ମୁନ୍ନାର ବୁଲାଯିବ । କୋଚିରୁ ମୁନ୍ନାରର ଦୂରତା ପ୍ରାୟ ୧୩୫ କିଲୋମିଟର । ଏଠାରେ ଦ୍ୱିପ୍ରହରେ ଆପଣ ଟି- ମ୍ୟୁଜୁୟମ ବୁଲିପାରିବେ ।

ତୃତୀୟ ଦିନ- ମୁନ୍ନାର

ତୃତୀୟ ଦିନ ଜଳଖିଆ ପରେ ମୁନ୍ନାରର ସ୍ଥାନୀୟ ଦର୍ଶନୀୟ ସ୍ଥାନ ଭ୍ରମଣ କରାଯିବ । ଅନ୍ୟପଟେ ସନ୍ଧ୍ୟାରେ ମୁନ୍ନାର ଟାଉନରେ ସୋପିଂ ପାଇଁ ଆପଣ ସମୟ ବିତାଇ ପାରିବେ । ଏହାପରେ ମୁନ୍ନାର ହୋଟେଲରେ ଆପଣ ରାତ୍ରି ବିଶ୍ରାମ କରିପାରିବେ ।

ଚତୁର୍ଥ ଦିନ- ମୁନ୍ନାର- ଥେକ୍କାଡୀ

ଚତୁର୍ଥ ଦିନ ଜଳଖିଆ ପରେ ଆପଣଙ୍କ ସଡ଼କ ମାର୍ଗରୁ ଥେକ୍କାଡୀ ନିଆଯିବ । ସେଠାରେ ପହଞ୍ଚି ହୋଟେଲରେ ଚେକ୍ ଇନ କରି ଦ୍ୱିପ୍ରହରେ ଆପଣଙ୍କୁ ଲେକ୍ ଅଫ୍ ପୋରିୟାର ୱାଇଲ୍ଡଲାଇଭ ସ୍ୟାଙ୍କଚୁରୀରେ ଡଙ୍ଗା ଯୋଗେ ସୱାରୀ କରାଯିବ ।

ପଞ୍ଚମ ଦିନ – ଥୋକ୍କଡୀ- କୁମାରକୋମୀ

ପଞ୍ଚମ ଦିନ ଜଳଖିଆ ପରେ ଆପଣଙ୍କୁ କୁମାରକୋମ ଭ୍ରମଣରେ ନିଆଯିବ । ସେଠାରେ ଆପଣଙ୍କୁ ହାଉସବୋଟରେ ରହିବାର ସୁଯୋଗ ମିଳିବ । ସୁନ୍ଦର ବେମ୍ପନାଡ ଲେକ୍ ମଝାମଝି ହାଉସବୋଟ ପରିଭ୍ରମଣ କରି ବିଭିନ୍ନ ବ୍ଲକ କଭର କରିବ ଯାହା ଉପରେ କୁମାରକୋମ ସହର ପ୍ରମୁଖ ଭାବେ ଅବସ୍ଥିତ ।