ଟ୍ରମ୍ପ ଓ ନେତାନ୍ୟାହୁଙ୍କ ବିରୋଧରେ ଇରାନର ସର୍ବୋଚ୍ଚ ଧର୍ମଗୁରୁ ଜାରି କଲେ ଫତତ୍ବା

ନନ୍ଦିଘୋଷ ବ୍ୟୁରୋ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ବିରୋଧରେ ଫତତ୍ବା ଜାରି କଲେ ଇରାନର ସର୍ବୋଚ୍ଚ ଧମର୍ଗୁରୁ । ଇରାନ ଆଇନ ଅନୁସାରେ ଫତତ୍ବା ଜାରି ହେଲେ ମୃତ୍ୟୁଦଣ୍ଡ, ଅଙ୍ଗ ଚ୍ଛେଦନ ଓ ନିର୍ବାସନ କରାଯାଇଥାଏ । ଫତତ୍ବା ଜାରି କରିବା ସହ ଏହି ଦୁଇ ନେତାଙ୍କୁ ଈଶ୍ବରଙ୍କ ଶତ୍ରୁ ବୋଲି କହିଛନ୍ତି ଇରାନର ସର୍ବୋଚ୍ଚ ଧର୍ମଗୁରୁ ।

ଏହାସହ ସେ ଆମେରିକା ଓ ଇସ୍ରାଏଲର ଏହି ଦୁଇ ନେତାଙ୍କ ବିରୋଧରେ ସାରା ବିଶ୍ଵର ମୁସଲମାନ ଏକତ୍ରିତ ହୋଇ ସେମାନଙ୍କୁ ଦଣ୍ଡ ଦେବାକୁ ଆହ୍ଵାନ ଦେଇଛନ୍ତି । ତାଙ୍କ କହିବା ଅନୁସାରେ କୌଣସି ବ୍ୟକ୍ତି ବା ସରକାର ଈଶ୍ଵରଙ୍କ ପ୍ରତିନିଧିଙ୍କୁ ଧମକ ଦିଅନ୍ତି, ତେବେ ତାଙ୍କୁ ଯୁଦ୍ଧଖୋର୍ ବା ମୋହାରବ ବୋଲି କୁହାଯାଏ । ଏହାକୁ ଈଶ୍ଵରଙ୍କ ବିରୋଧରେ ଯୁଦ୍ଧ ବୋଲି ଗ୍ରହଣ କରାଯାଏ । ସେପରି ବ୍ୟକ୍ତିଙ୍କ ବିରୋଧରେ ଫତୱା ଜାରି କରାଯାଏ ।

ଇରାନର ଦଣ୍ଡ ବ୍ୟବସ୍ଥା ଅନୁସାରେ ମୃତ୍ୟୁଦଣ୍ଡ, ଅଙ୍ଗ ଚ୍ଛେଦନ ବା ନିର୍ବାସନ ମଧ୍ୟ କରାଯାଇଥାଏ । ଫତୱାରେ କୁହାଯାଇଛି, ମୁସଲମାନ କିମ୍ବା ଇସଲାମିକ ରାଷ୍ଟ୍ର ସେମାନଙ୍କୁ ସହଯୋଗ କିମ୍ବା ସମର୍ଥନ କରିବା ନିଷିଦ୍ଧ । ଇରାନ ଉପରେ ଇସ୍ରାଏଲ ଓ ଆମେରିକା ଆକ୍ରମଣ କରିଥିବାରୁ ଏହି ଫତୱା ଜାରି କରାଯାଇଛି । ଏଥିରେ ଇରାନର ୩ଟି ଆଣବିକ କେନ୍ଦ୍ର ଧ୍ଵଂସ ହେବା ସହିତ ଅନେକ ବୈଜ୍ଞାନିକ ଓ ଜେନେରାଲ ନିହତ ହୋଇଥିଲେ । ୧୨ ଦିନ ଧରି ଆକ୍ରମଣ ପ୍ରତି ଆକ୍ରମଣ ଚାଲିଥିଲା । ଇରାନ ଏହାର ଜବାବ ଦେଇଥିଲା । ତେବେ ଇସ୍ରାଏଲ ଓ ଆମେରିକାର ଆକ୍ରମଣରେ ଇରାନର ବହୁତ କ୍ଷତି ହୋଇଛି । ୫ ଶହରୁ ଅଧିକ ଲୋକଙ୍କ ମୃତ୍ୟୁ ଘଟିଛି । ସେଥିପାଇଁ ଇରାନର ସର୍ବୋଚ୍ଚ ଧର୍ମଗୁରୁ ଏହି ଫତୱା ଜାରି କରିଛନ୍ତି ।