ଇରାନର ପୂର୍ବତନ ଉପପ୍ରତିରକ୍ଷା ମନ୍ତ୍ରୀ ଆଲିଜେରା ଆକବରୀଙ୍କୁ ମୃତ୍ୟୁଦଣ୍ଡ

ନୂଆଦିଲ୍ଲୀ: ଇରାନର ପୂର୍ବତନ ଉପପ୍ରତିରକ୍ଷା ମନ୍ତ୍ରୀ ଆଲିଜେରା ଆକବରୀଙ୍କୁ ଦିଆଗଲା ମୃତ୍ୟୁଦଣ୍ଡ । ଦେଶ ବିରୋଧରେ ଗୁପ୍ତଚର ବୃତ୍ତି ଅଭିଯୋଗରେ ତାଙ୍କୁ ମୃତ୍ୟୁଦଣ୍ଡ ଦିଆଗଲା ବୋଲି ତେହେରାନ ପକ୍ଷରୁ କୁହାଯାଇଛି । ବ୍ରିଟେନର ଗୁଇନ୍ଦା ସଂସ୍ଥାକୁ ସେ ଅନେକ ଗୋପନ ତଥ୍ୟ ଦେଉଥିବା ନେଇ ଅଭିଯୋଗ ହେବା ପରେ ତାଙ୍କୁ ମୃତ୍ୟୁଦଣ୍ଡ ଦିଆଯାଇଛି । ତାଙ୍କୁ କିଛିଦିନ ଧରି ରାଜେଇ ଶହର କାରାଗାରରେ ରଖାଯାଇଥିଲା । ଆକବରୀଙ୍କୁ ମୃତ୍ୟୁଦଣ୍ଡ ନଦେବା ଲାଗି ଇରାନ ସରକାରଙ୍କୁ ଆମେରିକା ଓ ବ୍ରିଟେନ ଅନୁରୋଧ କରିଥିଲେ ସୁଦ୍ଧା ତାହା ଗ୍ରହଣୀୟ ହୋଇ ନଥିଲା ।

ତାଙ୍କୁ ତୁରନ୍ତ ଖଲାସ ଲାଗି ଦାବି କରିଥିଲେ ବ୍ରିଟେନ ବୈଦେଶିକ ମନ୍ତ୍ରୀ ଜେମସ କ୍ଲେଭରଲି । ଇରାନର ଗୋପନୀୟ ଆଣବିକ କାର୍ଯ୍ୟକ୍ରମ ସମ୍ପର୍କରେ ତଥ୍ୟ ଲିକ୍ ଅଭିଯୋଗରେ ଗତ ୨୦୧୯ରେ ଆକବରୀଙ୍କୁ ଗିରଫ କରାଯାଇଥିଲା । ସେ ଉଭୟ ବ୍ରିଟେନ ଓ ଇରାନର ଦୈତ ନାଗରିକତ୍ବ ଗ୍ରହଣ କରିଥିଲେ ।