ଇରାନ ଯୁଦ୍ଧ ପରେ ପେଟ୍ରୋଲିୟମ ଦର ବୃଦ୍ଧିର ଆଶଙ୍କା ..

ନନ୍ଦିଘୋଷ ବ୍ୟୁରୋ: ଇରାନ ଯୁଦ୍ଧ ପାଇଁ ସାରା ବିଶ୍ଵ ଚିନ୍ତାରେ । କାରଣ ଏହା ଦ୍ଵାରା ବିଶ୍ଵ ବଜାରରେ ତେଲ ଦର ବଢ଼ିବାର ଆଶଙ୍କା ଅଛି । ଇରାନ ହେଉଛି ବିଶ୍ଵର ଅନ୍ୟତମ ପ୍ରମୁଖ ତେଲ ରପ୍ତାନୀକାରୀ ଦେଶ । ଏହା ସହିତ ହୋର୍ମୁଜ ପ୍ରଣାଳୀକୁ ବନ୍ଦ କରିବାକୁ ନିଷ୍ପତ୍ତି ନେଇଛି ଇରାନ । ଏହା ଦ୍ଵାରା ଅଶୋଧିତ ତେଲ ଦର ପରିବହନ ବାଧାପ୍ରାପ୍ତ । ବିଶ୍ଵର ବହୁ ଦେଶ ଏହି ପ୍ରଣାଳୀ ଦେଇ ଅଶୋଧିତ ତେଲ ପରିବହନ କରନ୍ତି।  ଭାରତକୁ ମଧ୍ୟ ଅଶୋଧିତ ତେଲ ଆସେ । ହୋର୍ମୁଜ ପ୍ରଣାଳୀ ବନ୍ଦ ହେଲେ ପରିବହନ ବାଧାପ୍ରାପ୍ତ ହେବ କିମ୍ଵା ଲମ୍ବା ଜଳପଥ ବ୍ୟବହାର କରିବାକୁ ପଡ଼ିବ। ଏହା ଦ୍ଵାରା ବିଶ୍ଵ ବଜାରରେ ପେଟ୍ରୋଲିୟମ ଦର ବୃଦ୍ଧି ପାଇବାର ଆଶଙ୍କା ଅଛି ।

ପେଟ୍ରୋଲିୟମ ମନ୍ତ୍ରୀ ହରଦୀପ ସିଂହ ପୁରୀ କହିଛନ୍ତି, ଯୁଦ୍ଧକୁ ନେଇ କିଛି କହିହେବ ନାହିଁ। ତେବେ ତେଲ ଦର ବଢ଼ିଲେ ବିକଳ୍ପ ପଦକ୍ଷେପ ନିଆଯିବ। ବର୍ତ୍ତମାନ ପାଇଁ ଆମ ପାଖରେ ଯଥେଷ୍ଟ ପେଟ୍ରୋଲିୟମ ମହଜୁଦ ଅଛି। ତେଲ ଦାମ ଯେମିତି ନ ବଢ଼ିବ, ସେ ଦିଗରେ ପଦକ୍ଷେପ ନିଆଯିବ। ସେଟେ ଇରାନ ଯୁଦ୍ଧରେ ଆମେରିକାର ପ୍ରବେଶ ଯୋଗୁଁ ବିଶ୍ଵର ପ୍ରମୁଖ ମାର୍କେଟ ଖସିଛି । ସେନସେକ୍ସ ୮ ଶହ ପଏଣ୍ଟ ଓ ନିଫଟି ୨ ଶହ ପଏଣ୍ଟ ଖସିଛି ।