ଇରାନ ଓ ଇସ୍ରାଏଲ ମଧ୍ୟରେ ଅସ୍ତ୍ରବିରତି ଘୋଷଣା। ଏହି ଘୋଷଣା ନିଜେ କରିଛନ୍ତି ଆମେରିକାର ରାଷ୍ଟ୍ରପତି ଡୋନାଲଡ ଟ୍ରମ୍ପ। ସୋସିଆଲ ମିଡିଆରେ ସେ ପୋଷ୍ଟ କରିଛନ୍ତି, “ସମସ୍ତଙ୍କୁ ଅଭିନନ୍ଦନ! ଇସ୍ରାଏଲ ଏବଂ ଇରାନ ମଧ୍ୟରେ ସମ୍ପୂର୍ଣ୍ଣ ଅସ୍ତ୍ରବିରତି ହେବ। ଏଥିପାଇଁ ସମସ୍ତେ ସହମତ ହୋଇଛନ୍ତି। ଉଭୟ ଦେଶ “ଚୂଡ଼ାନ୍ତ ମିଶନ” ସମାପ୍ତ କରିବା ପରେ ପ୍ରାୟ ଛଅ ଘଣ୍ଟା ମଧ୍ୟରେ ଅସ୍ତ୍ର ବିରତି ଆରମ୍ଭ ହେବ। ଇରାନ ଅସ୍ତ୍ରବିରତି ଆରମ୍ଭ କରିବ ଏବଂ ଇସ୍ରାଏଲ ୧୨ ଘଣ୍ଟା ପରେ ପରେ ଏହା ପାଳନ କରିବ। ୨୪ ଘଣ୍ଟା ପରେ ଯୁଦ୍ଧ ସମାପ୍ତ ବୋଲି ଆନୁଷ୍ଠାନିକ ଭାବରେ ବିଚାର କରାଯିବ। ଟ୍ରମ୍ପ କହିଛନ୍ତି ୧୨ ଦିନିଆ ଯୁଦ୍ଧର ସମାପ୍ତିକୁ ବିଶ୍ୱ ସ୍ୱାଗତ କରିବ। ଅସ୍ତ୍ରବିରତି ସମୟରେ, ପରିସ୍ଥିତି ଶାନ୍ତିପୂର୍ଣ୍ଣ ଏବଂ ସମ୍ମାନଜନକ ରହିବ। ସେ ଉଭୟ ଦେଶକୁ ମଧ୍ୟ ଅଭିନନ୍ଦନ ଜଣାଇଛନ୍ତି।
