IPS ସ୍ତରରେ ଅଦଳ ବଦଳ: ନୟାଗଡ଼ ଏସପିଙ୍କୁ ପୋଲିସ ମୁଖ୍ୟାଳୟରେ ଏଆଇଜି ଦାୟିତ୍ୱ

ଭୁବନେଶ୍ୱର: IPS ସ୍ତରରେ ଅଦଳ ବଦଳ । ଆଇପିଏସ୍‌ ଅଧିକାରୀଙ୍କ ନୂଆ ଦାୟିତ୍ୱ ଦେଇଛନ୍ତି ରାଜ୍ୟ ସରକାର । ପରୀ ମୃତ୍ୟୁ ମାମଲାକୁ ନେଇ ଚର୍ଚ୍ଚାରେ ରହିଥିବା ନୟାଗଡ଼ ଏସପି ପ୍ରତ୍ୟୁଷ ଦିବକାରଙ୍କ ମଧ୍ୟ ବଦଳି କରାଯାଇଛି । ତାଙ୍କୁ ପୋଲିିସ ମୁଖ୍ୟାଳୟରେ ଏଆଇଜି ଭାବେ ନିଯୁକ୍ତି ଦିଆଯାଇଛି । ସେହିଭଳି ଆଇପିଏସ୍ ନରସିଂହ ଭୋଳଙ୍କୁ ସମ୍ୱଲପୁର ଆଇଜି ଭାବେ ନିଯୁକ୍ତି । ଭଦ୍ରକ ଏସପି ପଣ୍ଡିତ ରାଜେଶ ଉତ୍ତମରାଓ ହେବେ ଡିଆଇଜି(ଇନଚାର୍ଜ)କୋରାପୁଟ । ତାଳଚେର ଡିଆଇଜି ହେବେ ସାଫ୍ରିନ୍ ଅହମ୍ମଦ ଖାଁ। ଡ. ସାର୍ଥକ ଷଡ଼ଙ୍ଗୀକୁ ଅନୁଗୁଳ ଡିଆଇଜି(ଇନଚାର୍ଜ) ଦାୟିତ୍ୱ । ଅର୍ଥନୈତିକ ଅପରାଧ ଶାଖା ଏସପି ଥିବା ଅଓ୍ୱିନାଶ କୁମାର ହେବେ ଡିଆଇଜି  । କେନ୍ଦ୍ରାପଡ଼ା ଏସପି ଥିବା ନୀତି ଶେଖରଙ୍କୁ ସି ଆଣ୍ଡ ଟି ଡିପାର୍ଟମେଣ୍ଟରେ ଅତିରିକ୍ତ ଟିସି ଦାୟିତ୍ୱ । କଳାହାଣ୍ଡି ଏସପି ଥିବା  ବି. ଗଙ୍ଗାଧର ହେଲେ ସମ୍ୱଲପୁର ଏସପି । ଯାଜପୁର ଏସପି ଥିବା ଚରଣ ସିଂହ ମୀନା ହେଲେ ଭଦ୍ରକ ଏସପି । ତାଙ୍କ ସ୍ଥାନରେ ରାହୁଲ ପିଆର ହେଲେ ଯାଜପୁର ଏସପି । ଶିବା ସୁବ୍ରମଣ୍ୟମ୍‌ଙ୍କୁ ଢେଙ୍କାନାଳ ଏସପି ଦାୟିତ୍ୱ ।  ଏମ୍. ସନ୍ଦୀପ ସମ୍ପଦ ହେଲେ ହେଲେ କେନ୍ଦ୍ରାପଡ଼ା ଏସପି । ମୁକେଶ କୁମାର ଭାମୁ ହେଲେ ରାଉରକେଲା ଏସପି । ଶ୍ରବଣ ବିବେକ ହେଲେ କଳାହାଣ୍ଡି ଏସପି । କୁଶଳକର ନୀତିନ ଦାଗୁଡୁ ବଲାଙ୍ଗୀର ଏସପି । ବିବେକାନନ୍ଦ ଶର୍ମା ହେବେ ରାୟଗଡ଼ା ଏସପି । ବରୁଣ ଗୁଣ୍ଟୁପାଲ୍ଲି ହେଲେ କୋରାପୁଟ ଏସପି । ସିଦ୍ଧାର୍ଥ କାଟାରିଆ ହେଲେ ନୟାଗଡ଼ ଏସପି ।  ପ୍ରହ୍ଲାଦ ସାହାଇ ମୀନାଙ୍କୁ ନବରଙ୍ଗପୁର ଏସପି ଭାବେ ନୂଆ ନିଯୁକ୍ତି । ଅଖିଳେଶ୍ୱଳର ସିଂହ  ହେଲେ ଏସ୍ଓଜି କମାଣ୍ଡାଣ୍ଟ । ସତ୍ୟଜିତ ନାୟକ ହେଲେ କମ୍ପ୍ୟୁଟର ବିଭାଗ ଏସପି । ବିକାଶ ଚନ୍ଦ୍ର ଦାସ ହେଲେ ଝାରସୁଗୁଡ଼ା ଏସପି (ଇନଚାର୍ଜ) ।