ଇସ୍ତଫା ଦେଲେ ବସନ୍ତ ରଥ, ଖୁବଶୀଘ୍ର ରାଜନୀତିରେ ଦେବେ ଯୋଗ

ଶ୍ରୀନଗର: ଜାମ୍ମୁ ଓ କାଶ୍ମୀରର ପୂର୍ବତନ ଟ୍ରାଫିକ ଆଇଜିପି ବସନ୍ତ ରଥ ଖୁବଶୀଘ୍ର ରାଜନୀତିରେ ଯୋଗ ଦେବେ । ଏଥିପାଇଁ ସେ ଆଇପିଏସ ଛାଡ଼ିବାକୁ ଚାହୁଁଛନ୍ତି ବୋଲି ସୋସିଆଲ ମିଡିଆ ଜରିଆରେ ଜଣାଇଛନ୍ତି । ସେ ଇସ୍ତାଫ ମଧ୍ୟ ଦେଇସାରିଛନ୍ତି ।  ଜାମ୍ମୁ ଓ କାଶ୍ମୀରର ଟ୍ରାଫିକ ଆଇଜିପି ଥିବା ବେଳେ ବେଶ୍ ଚର୍ଚ୍ଚିତ ଥିଲେ ବସନ୍ତ ରଥ । ଓଡିଶା ଜନ୍ମିତ ବସନ୍ତ ରଥ ଟ୍ରାଫିକ ଉଲ୍ଲଂଘନକାରୀଙ୍କ ବିରୋଧରେ କଡ଼ା ଆଭିମୁଖ୍ୟ ଯୋଗୁଁ ବେଶ୍ ପ୍ରଶଂସିତ ହୋଇଥିଲେ । ୨୦୦୦ ମସିହା ବ୍ୟାଚର ଜାମ୍ମୁ ଓ କାଶ୍ମୀର କ୍ୟାଡର ଆଇପିଏସ ବସନ୍ତଙ୍କୁ ସିଂଘମ ବୋଲି କୁହାଯାଉଥିଲା । ତେବେ ବିଶୃଙ୍ଖଳିତ ଆଚରଣ ଯୋଗୁଁ ତାଙ୍କୁ ସସପେଣ୍ଡ କରାଯାଇଥିଲା ।