ଖୋଲୁଛି ଆଇପିଏଲ ସଟ୍ଟା ଗୁମର, ରାଉରକେଲାରୁ ସାରା ଦେଶରେ ହେଉଥିଲା ଅପରେଟ୍

ରାଉରକେଲା: ସାରା ଦେଶରେ ଚାଲିଥିଲା ସଟ୍ଟା କାରବାର । ଘର ମହାରାଷ୍ଟ୍ର, ରାଉରକେଲାରୁ ହେଇଥିଲା ଅପରେସନ୍ । ପ୍ରତିଦିନ ଲାଗୁଥିଲା କୋଟି କୋଟି ଟଙ୍କା । ୬ ଜଣ ସଟ୍ଟା ମାଫିଆ ଗିରଫ ପରେ ଖୋଲୁଛି ଗୁମର । ସିଭିଲ ଟାଉନସିପ ଅଞ୍ଚଳରେ ଭଡା ଘରେ ରହି ଚଳାଇଥିଲେ ଅନଲାଇନ ଆଇପିଏଲ୍ ସଟ୍ଟା କାରବାର । ରାଜବୀର ଡଟ୍ କମ୍ ସାଇଟ୍ ଜରିଆରେ ତିଆରି ହେଉଥିଲା ଲୋକଙ୍କ ଆଇଡି । ସଟ୍ଟାରେ ବାଜି ଲଗାଇ ଏକାଉଣ୍ଟ୍ ଜରିଆରେ ଲୋକଙ୍କଠାରୁ ନେଉଥିଲେ ଲକ୍ଷ ଲକ୍ଷ ଟଙ୍କା । ଆଇପିଏଲ ସହ ବିଭିନ୍ନ ଅନଲାଇନ ଗେମରେ ଲାଗୁଥିଲା ଟଙ୍କା । ରଘୁନାଥପାଲି ଥାନା ପୋଲିସ ୬ ଜଣ ମାଫିଆଙ୍କୁ ଗିରଫ କରିବ ସହ ଏହି ବେଆଇନ କାରବାରର ପର୍ଦ୍ଦାଫାଶ କରିଛି ।

ଗିରଫ ଅଭିଯୁକ୍ତମାନେ ଉତ୍ତର ପ୍ରଦେଶ, ଛତିଶଗଡ଼ ଓ ମହାରାଷ୍ଟ୍ର ଅଞ୍ଚଳର । ରାଉରକେଲାରେ ଭଡ଼ାରେ ରହି ଚଳାଇଥିଲେ ସଟ୍ଟା କାରବାର । ୬ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେମାନଙ୍କ ନିକଟରୁ ୨୦ଟି ମୋବାଇଲ ଫୋନ, ୩ଟି ଲ୍ୟାପଟପ, ୪ଟି ଏଟିଏମ ଜବତ କରାଯାଇଛି । ଅଭିଯୁକ୍ତଙ୍କ ୮ଟି ବ୍ୟାଙ୍କ ଏକାଉଣ୍ଟକୁ ପୋଲିସ ଫ୍ରିଜ୍ କରିଛି ପୋଲିସ୍ । ଗୋଟିଏ ଗୋଟିଏ ଏକାଉଣ୍ଟରେ ଦୈନିକ ଲକ୍ଷ ଲକ୍ଷ ଟଙ୍କାର ଅନ ଲାଇନ କାରବାର ହେଉଥିବା ଜାଣିବାକୁ ପାଇଛି ପୋଲିସ୍ ।