IPL 2023: ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ଟସ୍ ଜିତି ବୋଲିଂ କରୁଛି ଗୁଜୁରାଟ ଟାଇଟନ୍ସ
ଅହମ୍ମଦାବାଦ: ଆଜିଠୁ ଆରମ୍ଭ ହୋଇଛି ଆଇପିଏଲ୍ ମହାକୁମ୍ଭ । ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ ଡିଫେଣ୍ଡିଂ ଚମ୍ପିଆନ ଗୁଜୁରାଟ ଟାଇଟନ୍ସ ଏବଂ ଚାରିଥରର ଚମ୍ପିଆନ ଚେନ୍ନାଇ ସୁପରକିଙ୍ଗସ ମଧ୍ୟରେ ଖେଳାଯାଉଛି । ଅହମ୍ମଦାବାଦ ସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ ୭ ଟା ୩୦ରେ ଖେଳ ଆରମ୍ଭ ହୋଇଛି । ଆଜିର ମ୍ୟାଚରେ ଟସ୍ ଜିତି ବୋଲିଂ ନିଷ୍ପତ୍ତି ନେଇଛି ଗୁଜୁରାଟ ଟାଇଟନ୍ସ । ସେହିପରି ଆହ୍ୱାନକ୍ରମେ ବ୍ୟାଟିଂ କରୁଛି ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ । ଚେନ୍ନାଇ ପକ୍ଷରୁ ଦେଭନ କନୱେ ଏବଂ ଋତୁରାଜ ଗାୟକ୍ୱାଡ ପ୍ରାରମ୍ଭିକ ବ୍ୟାଟ୍ସମ୍ୟାନ ଭାବେ ବ୍ୟାଟିଂ କରୁଛନ୍ତି । ଆଇପିଏଲରେ ଚାରି ବର୍ଷ ପରେ ଓପନିଂ ସେରେମନୀ ହୋଇଛି । ୩ ବର୍ଷ ପରେ ଟୁର୍ଣ୍ଣାମେଣ୍ଟ ହୋମ ଏବଂ ଅଭେ ଫର୍ମାଟରେ ଖେଳାଯାଉଛି । ଅର୍ଥାତ ଦଳଗୁଡ଼ିକ ୭ଟି ଲିଗ୍ ମ୍ୟାଚ୍ ନିଜ ଘରୋଇ ଗ୍ରାଉଣ୍ଡ ଏବଂ ବାକି ଲିଗ୍ ମ୍ୟାଚ୍ ବିପକ୍ଷ ଦଳର ଘରୋଇ ଗ୍ରାଉଣ୍ଡରେ ଖେଳିବେ।
ଚେନ୍ନାଇ ସୁପରକିଙ୍ଗସ: ଋତୁରାଜ ଗାୟକ୍ୱାଡ, ଦେଭନ କନୱେ, ମୋଇନ ଅଲି, ଅମ୍ବାତି ରାୟୁଡୁ, ବେନ ଷ୍ଟୋକ୍ସ, ଶିଭମ ଦୁବେ, ରବିନ୍ଦ୍ର ଜାଡେଜା, ଏମ୍ ଏସ୍ ଧୋନୀ (ଅଧିନାୟକ/ୱିକେଟକିପର), ମିଚେଲ ସାଣ୍ଟନର, ଦୀପକ ଚହର, ରାଜଭର୍ଦ୍ଦନ ହଙ୍ଗାରଗେକର ।
ଗୁଜରାଟ ଟାଇଟନ୍ସ: ରିଦ୍ଧିମାନ ଶାହା (ୱିକେଟକିପର), ଶୁଭମନ ଗିଲ୍, କେନ୍ ୱିଲିୟମସନ୍, ହାର୍ଦ୍ଦିକ ପାଣ୍ଡ୍ୟା (ଅଧିନାୟକ), ବିଜୟ ଶଙ୍କର, ରାହୁଲ ତେୱାଟିଆ, ରଶିଦ ଖାନ, ମହମ୍ମଦ ଶାମି, ଜୋଶୁଆ ଲିଟିଲ, ୟଶ ଦୟାଲ, ଅଲଜାରି ଜୋଶେଫ ।
