ସନରାଇଜର୍ସ ହାଇଦ୍ରାବାଦକୁ ୧୨୬ ରନର ଟାର୍ଗେଟ୍ ଦେଲା ପଞ୍ଜାବ କିଙ୍ଗ୍ସ

ଆବୁଧାବି: ୟୁଏଇର ଶାରଜାହ ଷ୍ଟାଡିୟମରେ ଆଇପିଏଲ୍-୨୦୨୧ର ୩୭ ତମ ମ୍ଯାଚ୍ ଖେଳାଯାଉଛି । ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା ସନରାଇଜର୍ସ ହାଇଦ୍ରାବାଦ । ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା ପଞ୍ଜାବ କିଙ୍ଗ୍ସ । ୪.୧ ଓଭରରେ ୨୬ ରନ୍ ହୋଇଥିବା ବେଳେ କେଏଲ୍ ରାହୁଲ ଆଉଟ୍ ହୋଇଥିଲେ । ପରେ ୪.୫ ବଲରେ ପ୍ୟାଭିଲିୟନ୍ ଫେରିଥିଲେ ମୟଙ୍କ ଅଗ୍ରୱାଲ୍ । ନିର୍ଦ୍ଧାରିତ ୨୦ ଓଭରରେ ଦଳ ୭ ୱିକେଟ୍ ହରାଇ ୧୨୫ ରନ୍ କରିବାରେ ସକ୍ଷମ ହୋଇଛି ।

ଦଳ ପକ୍ଷରୁ କେଏଲ୍ ରାହୁଲ ସର୍ବାଧିକ ୨୧ ରନ୍ କରିଥିଲେ । ଅନ୍ୟ କୌଣସି ଖେଳାଳି ୨୦ରୁ ଅଧିକ ରନ୍ କରି ପାରିନାହାଁନ୍ତି । ସନରାଇଜର୍ସ ହାଇଦ୍ରାବାଦ ପକ୍ଷରୁ ଜାସୋନ ହୋଲ୍ଡର ୩ଟି ୱିକେଟ୍ ନେଇଛନ୍ତି । ୧୨୬ ରନର ପିଛା କରି ବ୍ୟାଟିଂ ଆରମ୍ଭ କରିଥିବା ହାଇଦ୍ରାବାଦକୁ ଆରମ୍ଭରୁ ଝଟକା ଲାଗିଛି । ପ୍ରଥମ ଓଭରରେ ଡେଭିଡ୍ ୱାର୍ଣ୍ଣର ମାତ୍ର ୨ ରନ୍ କରି ଆଉଟ୍ ହୋଇଛନ୍ତି ।

ଅନ୍ୟପଟେ ଆଇପିଏଲର ୩୬ ତମ ମୁକାବିଲାରେ ବିଜୟୀ ହୋଇଛି ଦିଲ୍ଲୀ କ୍ୟାପିଟାଲ୍ସ । ପ୍ରଥମେ ବ୍ୟାଟିଂ କରି ଦିଲ୍ଲୀ କ୍ୟାପିଟାଲ୍ସ ନିର୍ଦ୍ଧାରିତ ୨୦ ଓଭରରେ ୬ ୱିକେଟ୍ ବିନିମୟରେ ୧୫୪ ରନ୍ କରିଥିଲା । ଜବାବରେ ବ୍ୟାଟିଂ କରିଥିବା ରାଜସ୍ଥାନ ରୟାଲ୍ସ ୨୦ ଓଭରରେ ୬ ୱିକେଟ୍ ହରାଇ ୧୨୧ ରନ୍ କରିବାରେ ସମର୍ଥ ହୋଇଥିଲା । ଫଳରେ ଦିଲ୍ଲୀ କ୍ୟାପିଟାଲ୍ସ ମ୍ୟାଚକୁ ୩୩ ରନରେ ଜିତି ନେଇଛି ।