IPL 2020: ପରିବାର ସଦସ୍ୟଙ୍କ ଦେହାନ୍ତ ପରେ ବି ମ୍ୟାଚ୍ ଖେଳୁଥିଲେ ଶେନ୍ ୱାଟସନ୍, କ୍ରୀଡ଼ାପ୍ରେମୀଙ୍କ ପ୍ରଂଶସା
1 min read
ଦୁବାଇ: ଚେନ୍ନାଇ ସୁପର୍ କିଙ୍ଗ୍ସର ବ୍ୟାଟ୍ସମ୍ୟାନ୍ ଶେନ୍ ୱାଟସନ୍ IPL 2020 ସିଜିନରେ ଏବେ ଯାଏଁ ଖରାପ ପ୍ରଦର୍ଶନ ପାଇଁ ଚିନ୍ତିତ ଅଛନ୍ତି । ତେବେ ବହୁତ କମ୍ ଲୋକଙ୍କୁ ଜଣା ଏହି ଅଷ୍ଟ୍ରେଲୀୟ ଅଲରାଉଣ୍ଡର ଏବେ ବ୍ୟକ୍ତିଗତ କାରଣରୁ ଦୁଃଖରେ ଅଛନ୍ତି । ଶେନ୍ ୱାଟସନ୍ ନିଜେ ଏହି କଥା ଖୁଲାସା କରିଛନ୍ତି । ୱାଟସନଙ୍କ ଆଇଙ୍କ ଦେହାନ୍ତ ପରେ ମଧ୍ୟ ସେ ଶୁକ୍ରବାର ଦିଲ୍ଲୀ କ୍ୟାପିଟାଲ୍ସ ବିରୋଧରେ ମ୍ୟାଚ ଖେଳିଥିଲେ । ଯାହା ପରେ ସୋସିଆଲ୍ ମିଡିଆରେ ଲୋକ ତାଙ୍କୁ ଯୋଦ୍ଧା କହୁଛନ୍ତି ।
ଶେନ୍ ୱାଟସନ୍ କହିଛନ୍ତି- ଦିଲ୍ଲୀ କ୍ୟାପିଟାଲ୍ସ ବିପକ୍ଷ ମ୍ୟାଚର ଦୁଇ ଦିନ ପୂର୍ବରୁ ହିଁ ତାଙ୍କ ଆଇ ରିଚିଙ୍କ ମୃତ୍ୟୁ ହୋଇଥିଲା । ଯାହାପରେ ସେ ତାଙ୍କ ପରିବାରକୁ ଘରକୁ ପଠାଇ ଦେଇଥିଲେ । କହିଥିଲେ- ମୋତେ ଜଣା ମୋ ମାଆଙ୍କ ପାଇଁ ତାଙ୍କ ମାଆ କେତେ ଜରୁରୀ ଥିଲେ । ମୁଁ ଦୁଃଖିତ ଯେ ଏବେ ତାଙ୍କ ପାଖକୁ ଯାଇ ପାରୁନାହିଁ ।
ଶେନ୍ ୱାଟସନଙ୍କ ଏହି ଖୁଲାସା ପରେ ସୋସିଆଲ୍ ମିଡିଆରେ ଲୋକ ତାଙ୍କୁ ପ୍ରକୃତ ଖେଳାଳି, ଯୋଦ୍ଧା କହୁଛନ୍ତି । ତାଙ୍କ ପ୍ରଂଶସକ ୱାଟସନଙ୍କୁ ସମ୍ମାନ ଦେଇ ପୋଷ୍ଟ କରୁଛନ୍ତି । ଚଳିତ ଆଇପିଏଲ୍ ସିଜିନରେ ୱାଟସନ ଏବେ ଯାଏଁ ସେମିତି କିଛି ଆଖି ଦୃଶିଆ ପ୍ରଦର୍ଶନ କରିନାହାଁନ୍ତି । ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୪ ରନ୍ କରି ଆଉଟ୍ ହୋଇ ଯାଇଥିଲେ । ଏହା ପୂର୍ବ ୨ ମ୍ୟାଚରେ ୱାଟସନ୍ ୧୪ ଓ ୩୩ ରନ୍ କରିଥିଲେ । ଏହା ପୂର୍ବରୁ କମେଣ୍ଟର ଡିନ୍ ଜୋନ୍ସଙ୍କ ମୃତ୍ୟୁରେ ବି ୱାଟସନ୍ ଇମୋସନାଲ ହୋଇ ପଡ଼ିଥିଲେ ।
