ସୈନ୍ୟ ଦୃଢ଼ ହେଲେ ଶେୟାର ମାର୍କେଟର ପତନକୁ ମଧ୍ୟ ଦେଶ ସମ୍ଭାଳିନେବ, ସେନାଙ୍କ ଉପରେ ନିବେଶ ବୋଝ ନୁହେଁ: ନରବଣେ

ନୂଆଦିଲ୍ଲୀ: ସେନାମୁଖ୍ୟ  ଜେନେରାଲ ଏମଏମ ନରବଣେ ସୈନ୍ୟବାହିନୀ ଉପରେ ହେଉଥିବା ଖର୍ଚ୍ଚକୁ ନିବେଶ ବୋଲି କହିଛନ୍ତି ।  ତାଙ୍କ କହିବା ହେଉଛି ସୈନ୍ୟଙ୍କ ଉପରେ ନିବେଶ ଏଭଳି ଏକ ଖର୍ଚ୍ଚ ଯାହା ରିଟର୍ଣ୍ଣ ମିଳିଥାଏ । ଏହାକୁ ଅର୍ଥବ୍ୟବସ୍ଥା ଉପରେ ବୋଝ ବୋଲି ଭାବିବା ଅନୁଚିତ୍‌ ।  ଯଦି ଗୋଟିଏ ଦେଶର ସୈନ୍ୟବାହିନୀ  ମଜବୁତ ଅଛି ତେବେ ଦେଶର ବଜାରରେ ପତନ ଘଟିଲେ ମଧ୍ୟ ଦେଶ ତାହା ସମ୍ଭାଳିନେବ ।

ରାଷ୍ଟ୍ରୀୟ ପ୍ରତିରକ୍ଷା ବିଦ୍ୟାଳୟରେ ବୁଧବାର ପୁସ୍ତକ‘ Fifty Years Of 1971 War: Accounts From Veterans’ର ଉନ୍ମୋଚନ କରିବା ପରେ ଉପସ୍ଥିତ ଜନତାଙ୍କୁ ସମ୍ବୋଦ୍ଧନ କରି ନରବଣେ ଏହି କଥା କହିଛନ୍ତି ।

ଏହା ସହିତ ନରବଣେ, କହିଛନ୍ତିଯେ,  ସଙ୍କଟ ସମୟରେ ଅର୍ଥବ୍ୟବସ୍ଥା ଉପରେ କେତେ ପ୍ରଭାବ ପଡ଼େ ଏହା ସମସ୍ତେ ଦେଖିଛନ୍ତି । କୌଣସି ସ୍ଥାନରେ ଯୁଦ୍ଧ ହେଉ ବା କେଉଁଠାରେ ଅସ୍ଥିରତା ସୃଷ୍ଟି ହେଉ, ପ୍ରଭାବ ସିଧାସଳଖ ଷ୍ଟକ୍‌ ମାର୍କେଟ୍‌ ଉପରେ ପଡ଼ିଥାଏ । ଏହିଭଳି ଝଟକାକୁ ଦେଶ ସେତିକିବେଳେ ସମ୍ଭାଳି ପାରିବ ଯେତେବେଳେ ଗୋଟିଏ ଦେଶର ସୈନ୍ୟବାହିନୀ ସୁଦୃଢ଼ ଥିବ ।