କୁକୁର ସହ ନାବାଳିକା ବିବାହର ତଦନ୍ତ ନିର୍ଦ୍ଦେଶ

ଢେଙ୍କାନାଳ: କଙ୍କଡ଼ାହାଡ଼ରେ କୁକୁର ସହିତ ନାବାଳିକାର ବିବାହ ଘଟଣାକୁ ନେଇ ଆକ୍ସନ ମୋଡରେ ପୋଲିସ । ନନ୍ଦିଘୋଷ ଟିଭିରେ ଖବର ପ୍ରସାରଣ ପରେ ତଦନ୍ତ ପାଇଁ ନିର୍ଦ୍ଦେଶ । କଙ୍କଡ଼ାହାଡ ସିଡିପିଓ ଏବଂ ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କୁ ଦିଆଗଲା ତଦନ୍ତ ଦାୟିତ୍ବ । ତଦନ୍ତ କରି ଦୋଷୀଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଲେ ଜିଲ୍ଲାପାଳ ।

କଙ୍କଡାହାଡ ବ୍ଲକ୍ ଅନ୍ତର୍ଗତ କରୋଗୋଳା ପଞ୍ଚାୟତର ଦେବଗଣ ସାହିରେ ଅନ୍ଧବିଶ୍ବାସର ବଶବର୍ତ୍ତୀ ହୋଇ ରୀତିନୀତିରେ ଅନୁଷ୍ଠିତ ହୋଇଥିଲା କୁକୁର ସହ କନ୍ୟାର ବାହାଘର । ଝିଅଟିଏ ଜନ୍ମ ହେଲା ବେଳେ ଯଦି ତା’ର ଦାନ୍ତ ଉଠିଥାଏ ତେବେ ଗ୍ରହ ଦୋଷ ରହିଥାଏ ବୋଲି ଏଠାକାର ଆଦିବାସୀଙ୍କ ମଧ୍ୟରେ ବିଶ୍ବାସ ରହିଛି । ପିଲାଟିର ଗ୍ରହଦୋଷ କାଟିବାକୁ ଗୋଟିଏ କୁକୁର ସାଥୀରେ ରୀତିନୀତି ଅନୁସାରେ ବିବାହ କରାଯାଇଥିଲା ।