ବିଜେପିର ନିର୍ବାଚନ ଆଚରଣ ବିଧି ଉଲ୍ଲଂଘନ ଘଟଣାର ତଦନ୍ତ ଆରମ୍ଭ

ପଦମପୁର: ନିର୍ବାଚନ ପ୍ରଚାର ସମୟ ଶେଷ ପରେ ବରିହାପାଲି ଗ୍ରାମରେ ବିଜେପି ପ୍ରାର୍ଥୀ  ପ୍ରଦୀପ ପୁରୋହିତ ନିର୍ବାଚନ ପ୍ରଚାର କରିବା ଘଟଣା । ଅଭିଯୋଗ ପରେ ଘଟଣାର ତଦନ୍ତ ଆରମ୍ଭ । ଆଡିସନାଲ ତହସିଲଦାର ଓ ପଦମପୁର ବିଡିଓ ଘଟଣାର ତଦନ୍ତ ଆରମ୍ଭ କରିଛନ୍ତି । ୨୪ ଘଣ୍ଟା ମଧ୍ୟରେ ତଦନ୍ତ ରିପୋର୍ଟ ପ୍ରଦାନ କରିବେ । ତଦନ୍ତ ରିପୋର୍ଟ ପରେ ନିଆଯିବ କାର୍ଯ୍ୟାନୁଷ୍ଠାନ ।

ନିର୍ବାଚନ ପ୍ରଚାର ଗତକାଲି ଅପରାହ୍ନ ୪ ଟାରେ ଶେଷ ହୋଇଥିଲା । ତା’ପରେ ନିର୍ବାଚନ ପ୍ରଚାର ହେବା କଥା ନୁହେଁ । ନିର୍ବାଚନ ପ୍ରଚାର ହେଲେ ଏହା ଆଚରଣ ବିଧିର ଉଲ୍ଲଙ୍ଘନ ବୋଲି କହିଛନ୍ତି ପଦମପୁର ଉପ ଜିଲ୍ଲାପାଳ ତଥା ନିର୍ବାଚନ ଅଧିକାରୀ ତ୍ରିଲୋଚନ ପାତ୍ର ।

ସୂଚନାଯୋଗ୍ୟ, ଗତକାଲି ପ୍ରଚାର ସମୟ ସରିବା ପରେ ପ୍ରଦୀପ ଶତାଧିକ ସମର୍ଥକଙ୍କ ସହ ପ୍ରଚାର କରୁଥିବା ଦେଖିବାକୁମ ମିଳିଥିଲା । ଏହି ଖବର ସଂଗ୍ରହ ପାଇଁ ସେଠାରେ ପହଞ୍ଚି ଥିବା ନନ୍ଦିଘୋଷ ଟିଭି ସାମ୍ବାଦିକ ରାଜକିଶୋର ବେହେରାଙ୍କୁ ଉପରେ ବିଜେପି କର୍ମୀ ଆକ୍ରମଣ କରିଥିଲେ । ପ୍ରଦୀପ ପୁରୋହିତଙ୍କ ପ୍ରରୋଚନାରେ ଆସି ବିଜେଡି କର୍ମୀ ନନ୍ଦିଘୋଷ ଟିଭି ସାମ୍ବାଦିକଙ୍କୁ ଆକ୍ରମଣ କରିଥିଲେ । ସେତିକିରେ ଅଟକି ନଥିଲା ବିଜେପି କର୍ମୀଙ୍କୁ ଗୁଣ୍ଡାରାଜ । ନନ୍ଦିଘୋଷ ଟିଭି କ୍ୟାମେରା ମ୍ୟାନଙ୍କୁ ଠେଲାପେଲା କରିବା ସହ କ୍ୟାମେରା ଛଡ଼ାଇ ନେଇ ଭାଙ୍ଗି ଦେଇଥିଲେ ଓ ନେଇ ପଳାଇଥିଲେ ।