ମହିଳା ଦିବସରେ ASIର ବଡ଼ ଉପହାର : ତାଜମହଲ ସମେତ ଅନ୍ୟ ସ୍ମାରକୀରେ ମହିଳାଙ୍କୁ ମାଗଣା ଏଣ୍ଟ୍ରି

ନନ୍ଦିଘୋଷ ବ୍ୟୁରୋ : ପର୍ଯ୍ୟଟକ ମାନଙ୍କ ପାଇଁ ଖୁସି ଖବର ।  ଅନ୍ତର୍ଜାତୀୟ ମହିଳା ଦିବସ ଅବସରରେ ASIର ବଡ଼ ଉପହାର । ତାଜମହଲ ସମେତ ଅନ୍ୟ ସ୍ମାରକୀରେ ମହିଳାଙ୍କ ପାଇଁ ମାଗଣା ଏଣ୍ଟ୍ରି । ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା ସହରକୁ ଆସୁଥିବା ପର୍ଯ୍ୟଟକଙ୍କୁ ଦିନକ ପାଇଁ ଏପରି ଭେଟି ଦେଇଛି । ମାର୍ଚ୍ଚ ୮ରେ ଅନ୍ତର୍ଜାତୀୟ ମହିଳା ଦିବସ ହୋଇଥିବାରୁ ASI ସମସ୍ତ ସଂରକ୍ଷିତ ସ୍ମାରକୀଗୁଡ଼ିକରେ ପର୍ଯ୍ୟଟକଙ୍କ ପାଇଁ ମାଗଣା ପ୍ରବେଶ ବ୍ୟବସ୍ଥା କରିଛି।

ମହିଳା ଦିବସ ଅବସରରେ ସମସ୍ତ ପର୍ଯ୍ୟଟକ ସକାଳରୁ ସନ୍ଧ୍ୟା ପର୍ଯ୍ୟନ୍ତ ଅନେକ ସ୍ମାରକୀକୁ ମାଗଣା ପ୍ରବେଶ ପାଇବେ। ଯେଉଁ ସ୍ମାରକୀଗୁଡ଼ିକରେ ପ୍ରବେଶ ମାଗଣା ହେବ ସେଗୁଡ଼ିକ ମଧ୍ୟରେ ତାଜମହଲ, ଆଗ୍ରା ଦୁର୍ଗ, ମହତାବ ବାଗ, ଫତେପୁର ସିକ୍ରି, ସିକନ୍ଦରା ଏବଂ ଅନ୍ୟାନ୍ୟ ସ୍ମାରକୀ ଅନ୍ତର୍ଭୁକ୍ତ। କିନ୍ତୁ ତାଜମହଲର ମୁଖ୍ୟ ଗମ୍ବୁଜ ପରିଦର୍ଶନ କରିବାକୁ ପର୍ଯ୍ୟଟକଙ୍କୁ ୨୦୦ ଟଙ୍କାର ଟିକେଟ କିଣିବାକୁ ପଡିବ।

ଏଥର ମହିଳା ଦିବସ ଓ୍ବିକେଣ୍ଡରେ ପଡୁଛି। ଓ୍ବିକେଣ୍ଡରେ ବହୁ ସଂଖ୍ୟକ ପର୍ଯ୍ୟଟକ ତାଜ ସହର ପରିଦର୍ଶନ କରନ୍ତି। ଓ୍ବିକେଣ୍ଡରେ ଆଗ୍ରାକୁ ଆସୁଥିବା ଦେଶୀ ଏବଂ ବିଦେଶୀ ପର୍ଯ୍ୟଟକଙ୍କ ପାଇଁ ଏହା ଏକ ଖୁସିଖବର, କାରଣ ଏଥର ମହିଳା ଦିବସରେ ସ୍ମାରକୀଗୁଡ଼ିକୁ ମାଗଣା ପ୍ରବେଶ ଯୋଗୁ ଏଠାକୁ ଆସୁଥିବା ପର୍ଯ୍ୟଟକମାନେ ବହୁତ ଉପକୃତ ହେବେ। ତେବେ ଆଜି ସମସ୍ତ ସ୍ମାରକୀର ଟିକେଟ ଝରକା ବନ୍ଦ ରହିବ। ସେହିପରି ବିଭିନ୍ନ ରାଜ୍ୟ ସରକାରଙ୍କ ଦ୍ୱାରା ମହିଳାମାନଙ୍କୁ ମହିଳା ଦିବସ ଉପହାର ମଧ୍ୟ ଦିଆଯାଉଛି।