କାତାର: ଭାଷା ଏକ ନଦୀ ହେଲେ ଓଡିଆ ଭାଷା ହେଉଛି ଏକ ଉଛୁଳା ନଦୀ। ଆନ୍ତର୍ଜାତୀୟ ମାତୃଭାଷା ଦିବସ ପାଳନ ଅବସରରେ ପ୍ରବାସୀ ଓଡିଆ ସଂଗଠନ ‘ଉତ୍କଳିକା କାତାର’ ତରଫରୁ ‘ମାତୃଭାଷା ର ପ୍ରଚାର ଓ ପ୍ରସାର ରେ ଯୁବପିଢି ର ଭୂମିକା’ ଶୀର୍ଷକ ରେ ଏକ ଅନଲାଇନ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି।କାତାର ଦେଶରେ ରହୁଥିବା ପ୍ରବାସୀ ଓଡିଆ ପରିବାରକୁ ନେଇ ଆୟୋଜିତ ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ଯୋଗଦେଇ ଓଡିଶା ସାହିତ୍ୟ ଏକାଡେମୀର ସଭାପତି ସାହିତ୍ୟିକ ଶ୍ରୀଯୁକ୍ତ ହୃଷିକେଶ ମଲ୍ଲିକ ଓଡିଆ ଭାଷାର ପ୍ରଚାର ଓ ପ୍ରସାର ପାଇଁ ଅଧୁନା ଚାଲିଥିବା ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ଅବଗତ କରାଇଥିଲେ।
ମୁଖ୍ୟବକ୍ତା ବର୍ଷୀୟାନ ଭାଷାବିତ୍ ତଥା ଓଡିଶା ଭାଷା ପ୍ରତିଷ୍ଠାନ ର ସଂଯୋଜକ ଡ. ଫଣିନ୍ଦ୍ର ଭୂଷଣ ନନ୍ଦ ଓଡିଆ ଭାଷା ର ଉଦଗମ, ଐତିହ୍ୟ ତଥା ପରଂପରା ସମ୍ବନ୍ଧରେ ଆଲୋକପାତ କରିବା ସାଂଗକୁ ମାତୃଭାଷା ପ୍ରତି ଆମର କର୍ତବ୍ୟ ସମ୍ପର୍କରେ ସଚେତନ କରାଇଥିଲେ।କାର୍ଯ୍ୟକ୍ରମକୁ ବେଶ୍ ସୁଚାରୁ ରୂପେ ପରିଚାଳନା କରିଥିଲେ Indian Women’s Association (IWA), କାତାର ର ପ୍ରାକ୍ତନ ସଭାପତି ତଥା ସାହିତ୍ୟିକା ସୁସ୍ମିତା ପଟ୍ଟନାୟକ। ସଂଗଠନର ଉପସଭାପତି ଶ୍ରୀଯୁକ୍ତ ନିହାର ରଂଜନ ମହାନ୍ତି ଏବଂ ସାଧାରଣ ସଂପାଦକ ଶ୍ରୀଯୁକ୍ତ ଅବିନାଶ ଆଚାର୍ଯ୍ୟ କାର୍ଯ୍ୟକ୍ରମରେ ଉପସ୍ଥିତ ରହି ସହଯୋଗୀ ମାନଂକୁ ବେଶ ଉତ୍ସାହିତ କରିଥିଲେ।
ଶେଷରେ ‘ଉତ୍କଳିକା କାତାର’ ର ସଭାପତି ଡ. ବସନ୍ତ କୁମାର କବି ସଂଗଠନର ସମସ୍ଥ ସଦସ୍ୟ,ସଦସ୍ୟା ତଥା ଉପସ୍ଥିତ ଓଡିଆ ମାନଂକୁ ଧନ୍ୟବାଦ ଅର୍ପଣ କରିବା ସହ ଓଡିଆ ଭାଷାର ବହୁଳ ପ୍ରସାରରେ କାତାରସ୍ଥିତ ପ୍ରବାସୀ ଓଡିଆ ମାନଂକ ସହଯୋଗ କ୍ଷେତ୍ରରେ ଆଲୋକପାତ କରିଥିଲେ।
