ଯାଜପୁରରେ ୨ ଦିନିଆ ଅନ୍ତର୍ଜାତୀୟ କ୍ରାଫ୍ଟ ସମ୍ମିଳନୀ

ଯାଜପୁର: ଆଜିଠୁ ଯାଜପୁର ବ୍ୟାସନଗରରେ ୨ଦିନିଆ ଅନ୍ତର୍ଜାତୀୟ କ୍ରାଫ୍ଟ ସମ୍ମିଳନୀ। ଆଜି ଏବଂ ଆସନ୍ତାକାଲି ଅନୁଷ୍ଠିତ ହେବାକୁ ଥିବା ଏହି ସମ୍ମିଳନୀରେ ୧୬ଟି ଦେଶ ଅଂଶଗ୍ରହଣ କରିବେ। ମୋଟ୍ ୧୦ଟି ଅଧିବେଶନ ଅନୁଷ୍ଠିତ ହେବ। ୨୦ଜଣ ଅନ୍ତର୍ଜାତୀୟ କଳାକାର ଭାଗ ନେବେ । ଶହେରୁ ଅଧିକ ସ୍ଥାନୀୟ କାରିଗର ଓ ପ୍ରତିନିଧି ଏବଂ ୫୦ ବକ୍ତା ରହିବେ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି କ୍ରାଫ୍ଟ ସମ୍ମିଳନୀର ଉଦଘାଟନ କରିଛନ୍ତି। ବିଶ୍ୱବ୍ୟାପୀ ଯାଜପୁରର ହସ୍ତଶିଳ୍ପ ଓ କଳା ପ୍ରଦର୍ଶନ କରିବାକୁ ଏହି ଅନ୍ତର୍ଜାତୀୟ ହସ୍ତଶିଳ୍ପ ସମ୍ମିଳନୀ ପ୍ଲାଟଫର୍ମ ପ୍ରଦାନ କରିବ। ଯାହା ଏହି ସମ୍ମିଳନୀ ଆୟୋଜନର ମୂଳ ଉଦ୍ଦେଶ୍ୟ‌। UNDP, UNESCO, UNHABITAT, UNICEF ପରି ବିଶ୍ୱସ୍ତରୀୟ ସଂଗଠନଗୁଡିକର ବିଶେଷଜ୍ଞ ଏବଂ ବିଶ୍ୱସ୍ତରୀୟ କଳାକାରମାନେ ଏହି ସମ୍ମିଳନୀରେ ଅଂଶଗ୍ରହଣ କରିବେ।

ରାଜ୍ୟ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ରୀତା ସାହୁ, ରାଜ୍ୟ ଦକ୍ଷତା ବିକାଶ ମନ୍ତ୍ରୀ ପ୍ରୀତିର଼ଞ୍ଜନ ଘଡ଼େଇ, ୟୁନେସ୍କୋର ନୂଆଦିଲ୍ଲୀ କ୍ଲଷ୍ଟର କାର୍ଯ୍ୟାଳୟର ସଂସ୍କୃତି କ୍ଷେତ୍ରରେ ମୁଖ୍ୟ ଭାବେ ଥିବା ଅଧିକାରୀ, ମନ୍ତ୍ରୀ ଅଶୋକ ପଣ୍ଡା ପ୍ରମୁଖ ଯୋଗଦେବେ। ସମ୍ମିଳନୀରେ ହେବାକୁ ଥିବା ୧୦ ଅଧିବେଶନରେ ଭିନ୍ନ ଭିନ୍ନ ବିଷୟବସ୍ତୁ ରହିଛି। ୱିମେନ୍ ଆଣ୍ଡ କ୍ରାଫ୍ଟ, କ୍ରାଫ୍ଟ ଫ୍ୟୁଚର, କ୍ରାଫ୍ଟ ଆଣ୍ଡ କଲଚର, କ୍ରାଫ୍ଟ ଆଣ୍ଡ ୱେଷ୍ଟ, କ୍ରାଫ୍ଟ ଆଣ୍ଡ ଇଣ୍ଟରନ୍ୟାସନାଲ ପାର୍ଟନରସିପ, କ୍ରାଫ୍ଟ ଆଣ୍ଡ ଟୁରିଜିମ୍‌ ଭଳି ଆହୁରି ଅନେକ କିଛି। ରାଜ୍ୟ ସରକାର ଓ ଯାଜପୁର ଜିଲ୍ଲା ପ୍ରଶାସନର ମିଳିତ ଆନୁକୂଲ୍ୟରେ ଏହି ସମ୍ମିଳନୀ ହେଉଛି ।