ଇଣ୍ଟରକଣ୍ଟିନେଣ୍ଟାଲ କପ୍: ଆଜି ଭାରତ-ଲେବନାନ୍ ଫାଇନାଲ

ଭୁବନେଶ୍ୱର: ଆଜି ଇଣ୍ଟରକଣ୍ଟିନେଣ୍ଟାଲ କପ୍ ଫାଇନାଲ । ଭୁବନେଶ୍ବର କଳିଙ୍ଗ ଷ୍ଟାଡିୟମରେ ସନ୍ଧ୍ୟା ସାଢେ ୭ଟାରେ ଫାଇନାଲ ମ୍ୟାଚ ଅନୁଷ୍ଠିତ ହେବ । ଫାଇନାଲରେ ମୁହାଁମୁହିଁ ହେବେ ଆୟୋଜକ ଭାରତ ଓ ଲେବାନନ୍ । ଭାରତ ଫାଇନାଲ ପୂର୍ବରୁ ଜୋରଦାର ଅଭ୍ୟାସ କରିଛି । ଲେବାନନକୁ ହରାଇ ଚାମ୍ପିଅନ ହେବାକୁ କରିଛି ସ୍ବତନ୍ତ୍ର ରଣନୀତି । ଇଣ୍ଟରକଣ୍ଟିନେଣ୍ଟାଲ କପରେ ଭାରତ ୩ଟି ମ୍ୟାଚରୁ ୨ଟି ବିଜୟ ଓ ଗୋଟିଏରେ ଡ୍ର’ ରହି ଟେବୁଲରେ ଶୀର୍ଷରେ ରହିଛି ।

ଏହାସହ ପ୍ରତିଯୋଗିତାରେ ଅପରାଜେୟ ରହିଛି ଟିମ୍ ଇଣ୍ଡିଆ । ଅନ୍ୟପଟେ ଗୋଟିଏ ବିଜୟ ଓ ଦୁଇଟି ଡ୍ର’ ସହ ଲେବାନନ୍ ଟେବୁଲରେ ଦ୍ବିତୀୟରେ ରହି ଫାଇନାଲ ଟିକେଟ ହାତେଇଛି । ଜୁନ ୯ରୁ କଳିଙ୍ଗ ଷ୍ଟାଡିୟମରେ ଆରମ୍ଭ ହୋଇଥିଲା  ଇଣ୍ଟରକଣ୍ଟିନେଣ୍ଟାଲ କପ୍ ।