ଖୋର୍ଦ୍ଧାରେ କ୍ରାଇମବ୍ରାଞ୍ଚ STFର ଚଢ଼ାଉ, ୧୦ଟି ବନ୍ଧୁକ ଓ ୮ ରାଉଣ୍ଡ ଗୁଳି ଜବତ

1 min read

ଭୁବନେଶ୍ୱର: ଖୋର୍ଦ୍ଧାରେ ବନ୍ଧୁକ ରକେଟର ପର୍ଦ୍ଦାଫାଶ କଲା କ୍ରାଇମବ୍ରାଞ୍ଚ STF । କୋଡ୍ ୱାର୍ଡ଼ରେ କରୁଥିଲେ ବନ୍ଧୁକ କାରବାର । ୧୦ଟି ବନ୍ଧୁକ ଜବତ ସହିତ ୨ ଆନ୍ତଃରାଜ୍ୟ ବେପାରୀ ବୁଟୁ ଓରଫ ବସନ୍ତ ମହାରଣା ଓ ଜଗା ଓରଫ କୃଷଚନ୍ଦ୍ର ଶ୍ରୀଚନ୍ଦନଙ୍କୁ ଗିରଫ କରାଯାଇଛି । ଉଭୟଙ୍କ ଘର ନୟାଗଡ଼ ଓ ଖୋର୍ଦ୍ଧା ଅଞ୍ଚଳରେ । ଏମାନଙ୍କ ବିରୋଧରେ ପୂର୍ବରୁ ବେଆଇନ ଅସ୍ତ୍ରଶସ୍ତ୍ର ଠୁଳ ମାମଲା ରହିଛି । ଚୋରା ବନ୍ଧୁକ କାରବାରରେ ବସନ୍ତ ମହାରଣା ପୂର୍ବରୁ ଗିରଫ ହୋଇସାରିଛି । ଏହି ଅପରାଧୀଙ୍କ ନାଁରେ ଅନ୍ୟ କେଉଁ ଅଭିଯୋଗ ରହିଛି କିମ୍ବା ଏହାର ଆନ୍ତଃରାଜ୍ୟ ଲିଙ୍କ ଅଛି ନା ନାହିଁ ତାହାର ତଦନ୍ତ କରୁଛି ଏସଟିଏଫ ।

ଅପରେସନ ଟାଵଲେଟ । ବନ୍ଧୁକ ଡିଲ ବେଳେ ରେଡ୍ ହ୍ୟାଣ୍ଡ ହ୍ୟାଣ୍ଡ କପ୍ ପକାଇଲା ଏସଟିଏଫ । କୋଡ୍ ୱାର୍ଡ଼ ଥିଲା ବଟିକା । STF ପଞ୍ଝାରେ ଦୁର୍ଦ୍ଦାନ୍ତ ବନ୍ଧୁକ ବେପାରୀ ବୁଟୁ ଓରଫ ବସନ୍ତ ମହାରଣା । ଡିମାଣ୍ଡ ଦେଖି ରେଟ କରୁଥିଲେ ଫିକ୍ସ । ପୋଲିସକୁ ଚକମା ଦେବା ପାଇଁ ବସ୍ତାରେ ବନ୍ଧୁକ ପୁରାଇ ବୁଲି ବୁଲି ବିକୁଥିଲେ । ଓଡ଼ିଶାରେ ଚାଲିଛି ବେଆଇନ ବନ୍ଧୁକ କାରଖାନା । ଦୁଇ ବନ୍ଧୁକ ମାଫିଆ ବସନ୍ତ ଓ କଟକ, ଭୁବନେଶ୍ଵର, ଖୋର୍ଦ୍ଧାରେ କରୁଥିଲେ ଡିଲ । ଡ୍ରଗ୍ସ ମାଫିଆ, ଖଣି ମାଫିଆଙ୍କୁ ବନ୍ଧୁକ ଯୋଗାଉଥିଲେ ୨ ବେପାରୀ । ଖୋର୍ଦ୍ଧା ଜଙ୍କିଆ-ରଣପୁର ରାସ୍ତାରେ ଡିଲ ବେଳେ କାବୁ କରିଛି STF ଟିମ ।

ବସ୍ତାରେ ନେଉଥିବା ୫ଟି ସିଙ୍ଗଲ ବୋର ରାଇଫଲ ସହ ୫ଟି ମାଉଜର ଓ ପିସ୍ତଲ ମୋଟ ୧୦ଟି ବନ୍ଧୁକ ସହିତ ୮ଟି ଗୁଳି ଜବତ କରିଛି ଟିମ । ଓଡ଼ିଶା ମେଡ୍ ବନ୍ଧୁକ ବିକୁଥିଲା ଦୁର୍ଦ୍ଦାନ୍ତ ଅପରାଧି ବୁଟୁ ଓରଫ ବସନ୍ତ ମହାରଣା । ଯେକି ସହଯୋଗୀ କୃଷ୍ନ ଚନ୍ଦ୍ର ଶ୍ରୀଚନ୍ଦନ ଓରଫଜଗା ଜରିଆରେ ଚଲାଇଥିଲା ବେଆଇନ ବନ୍ଧୁକ କାରବାର । ୮ରୁ ଦଶ ହଜାର ଟଙ୍କାର ବନ୍ଧୁକ କିଣି ୫ ହଜାର ଟଙ୍କା ଲାଭରେ ବିକୁଥିଲେ। ଏହି ଦୁଇ ଜଣ କେବେଠାରୁ ବନ୍ଧୁକ କାରବାର କରୁଥିଲେ। କେତେ ଜଣକୁ ଏଭିଲି ବନ୍ଧୁକ ବିକ୍ରି କରିଛନ୍ତି। ଏମାନଙ୍କ ରକେଟରେ ଆଉ କେତେ ଜଣ ଅଛନ୍ତି । ଓଡ଼ିଶାରେ କେଉଁଠାର ଚାଲିଛି ବନ୍ଧୁକ କାରଖାନା ସେ ସବୁ ଉପରେ ଖୋଳତାଡ଼ କରୁଛି ଏସଟିଏଫ ।

ପୂର୍ବରୁ ଜଗତସିଂହପୁର ଲିଙ୍କରେ ୯ଟି ବନ୍ଧୁକ ଧରାପଡିବା ପରେ ଏସଟିଏଫ ପାଇଥିଲା ଏହି ଅପରାଧି ବୁଟୁର ଲିଙ୍କ୍ । ବୁଟୁ ଆଣ୍ଡ କୋ କମିସନରେଟ ପୋଲିସ, ଏକ୍ସସାଇଜ ଓ ଏସଟିଏଫ ପାଇଁ ଥିଲେ ମୋଷ୍ଟ ୱାଣ୍ଟେଡ । ପୂର୍ବରୁ ବିଦେଶୀ ବନ୍ଧୁକ କାରବାରରେ ବୁଟୁକୁ ଗିରଫ କରିଥଲା ଚନ୍ଦ୍ରଶେଖରପୁର ଥାନା ପୋଲିସ । ବନ୍ଧୁକ କାରବାରର ଲିଙ୍କ୍ ଜାଣିବାକୁ ଦୁଇ ଜଣକୁ ରିମାଣ୍ଡରେ ଆଣିବ STF । ଏବେ ଦେଶୀ ବନ୍ଧୁକ କାରଖାନା ଠାବ କରିଵା ଓ ସଂଗଠିତ ଅପରାଧ ରୋକିଵା ଚ୍ୟାଲେଞ୍ଜ ରହିଛି ବୋଲି କହିଛନ୍ତି ଏସଟିଏଫ ଏସପି । ବେଇଆନ ବନ୍ଧକୁ କାରବାର ଅଭିଯାନରେ ଗତ ଏକ ବର୍ଷରେ ୪୭ଟି ଚୋରା ବନ୍ଧୁକ ଓ ୮୪ଟି ଗୁଳି ଜବତ କରିବା ସହ ୨୦ରୁ ଅଧିକ ବେପାରୀଙ୍କୁ ଗିରଫ କରିଛି STF । ହେଲେ ବନ୍ଧୁକ କାରବାର ରୋକ ଲାଗି ପାରିନି ।

Opn Commnet Area

Leave a Reply

Your email address will not be published. Required fields are marked *

Close Bitnami banner